*

upload_article_image

恨跟林嘉欣合作 顧定軒大讚女神外形吸引又演技出色

軒仔話如果有機會同林嘉欣拍感情戲,絕對是夢想成真!

25歲的軒仔,已認定自己的演藝之路,未來希望可以嘗試更多不同角色。

顧定軒最近首次參演TVB劇《那些我愛過的人》,飾演黃翠如繼子「朱嘉炳」,他好感激翠如好易相處,所以拍起親情戲和嗌交戲特別容易投入。講到戲中跟新晉女神蘇皓兒有感情戲,軒仔透露其實早在幾年前二人已認識,要演一對完全無難度,不過講到最想合作女神,他首選林嘉欣,除了覺得女神外形吸引,最重要演技出色,如果有機會合作拍感情戲,絕對是夢想成真!

軒仔加入演藝圈一直得到家人支持,特別是頭號鐵粉嫲嫲。

軒仔剛拍罷 ViuTV劇集《男排女將》,繼電影《藍天白雲》後再跟鄧麗欣合作。

軒仔於2014年拍攝首部電影《愛.尋.迷》入行,先後拍過香港電視、ViuTV、到現在TVB劇集演出,能夠游走幾個電視台實在不容易,他也覺得自己好幸運,「我自己都覺得真係好好彩,好多謝咁多監製肯畀機會我,除咗電視劇嘅監製,好多電影導演我都好想多謝,我哋新人最重要就係有機會。」

軒仔跟戲中的「媽咪」翠如和「妹妹」芷晴,戲外感情相當好。

就是跟林文龍合作這場戲,令軒仔驚訝前輩的演技功力。

今次劇集軒仔雖然首次跟翠如合作,但好快熟絡,「我哋加埋戲裏面嘅妹妹黃芷晴,真係好似一家人咁,翠如佢好易相處,我哋雖然有好多衝突嘅戲,但係溝通得好好。」講到拍攝最難忘,他覺得是跟前輩林文龍演對手戲,「有場戲講龍爺追問我同蘇皓兒咩關係,我哋未排過,龍爺一埋位執住我衫領,表面睇好似好大力,但係完全冇令我唔舒服,前輩拿捏得好準,呢啲就係功力。」

軒仔跟蘇皓兒識於微時,合作起來特別輕鬆。

講到跟蘇皓兒合作,軒仔透露其實他們好早已識,「我哋幾年前做模特兒已經識,我哋真係好熟,合作會特別順利。」

軒仔在一次電影的優先場首次遇到女神林嘉欣,當然要集郵啦!

不過,同完新晉女神合作,軒仔仲未滿足,因心入面有個更吸引對象,「首選梗係林嘉欣啦!佢真係好sweet,見到佢笑容會融化㗎!如果真係可以同佢合作,仲有感情戲就真係夢想成真呀!」