*

upload_article_image

獲高層力捧 何依婷揸20萬Benz代步

新小花等上位。

被指鍾意「炫富」嘅何依婷,駕駛一架車價約廿多萬嘅舊款Benz代步。東周圖片

一七年港姐亞軍何依婷,有傳得到無綫高層樂易玲對佢另眼相看,早喺參選港姐時,樂小姐已經點名讚賞!入咗無綫後,樂小姐更覺得佢大有潛質,仲彈支好籌畀佢上,喺早前劇集《機場特警》,派佢演出港女KOL,劇中大騷身材,兼同楊明有火辣親熱戲,令佢成功出位。

原本喺律師樓做嘢嘅何依婷,何媽媽覺得乖女好有條件,於是鼓勵女兒參選港姐。東周圖片

據《東周刊》報道,得到高層加持,何依婷前途無可限量;而入行短短三年,佢就已經揸架車價約廿萬嘅Benz代步,於是畀人話「炫富」。早前,家住深水埗舊樓嘅佢,所住大廈連停車場都冇,佢惟有每次都將架車交畀附近嘅車房仔,幫佢代客泊車。睇嚟,揸靚車但係住唔起靚樓,對佢呢啲靚女小花都幾唔方便吓。

2017年港姐亞軍何依婷

何依婷

何依婷架靚車嘅內籠,擺設有鄉土味極濃嘅小飾物之外,車內仲有多支酒精搓手液、盒裝紙巾、羽絨外套等等,似係注重防疫,又非常怕凍,啲「中女」品味及style滲晒出嚟。睇唔出佢廿六歲後生遙遙,竟相當「婆仔」吓!