*

真人騷齊做侍應欠溝通 楊天宇郭奕芯重提事件仲有火

疫情下兩人工作停頓,唯有自我增值在家健身同練普通話,望向內地發展。

楊天宇和郭奕芯最近參與ViuTV真人騷《辣伙頭•開火》,雖然郭奕芯第一季曾打入四強,但今季賽制好大分別,由考廚藝變成鬥經營餐廳,對他們來說有一定難度,特別是做侍應,搞到他們一度有拗撬,接受《頭條日報》獨家訪問當日提起亦忍不住再「開火」,相當搞笑。疫情下,兩人都坦言工作停頓,唯有自我增值,楊天宇在家健身,為9月有機會開拍新戲準備;而郭奕芯就練緊普通話,望向內地發展。

節目中,兩人同屬藍組,成員還有陳欣妍(左一)和譚凱倫(左二)。

楊天宇和郭奕芯最初知道有份參與《辣伙頭•開火》以為會好好玩,郭奕芯說:「唔似第一季咁,冇咗淘汱賽,本嚟覺得冇咁大壓力啦!」後來兩人才發覺一點也不容易,楊天宇說:「其實今次係考你Marketing同宣傳,煮嘢食都緊要嘅,但係成個Package。」

兩人都覺得參加完節目後,廚藝有進步。

比賽時,郭奕芯因身兼

節目頭幾集,兩人齊齊做侍應,但因溝通出問題,搞到楊天宇發火鬧郭奕芯,重提這件事兩人仲有火,郭奕芯講了一輪,令楊天宇仍不滿話:「我等你解釋等咗五分鐘。」郭奕芯不甘示弱話:「一開始大家冇講,落單嗰個要計理數,(楊沒好氣話:真係唔知原來落單要計數)咁點解落單要計數啫!咁寫咗A餐定B餐咪得,如果落單都要計數,咁就唔需要多一個計數出嚟做收銀啦!直情樓面做晒。」楊天宇再解釋因當日在Food court比賽,「我將所有單按順序寫好計錢同收錢,佢咁落單唔計錢喎,之後點收錢呢?」

楊天宇和郭奕芯提起當日溝通出問題有拗撬仍然有火。

楊天宇和郭奕芯試過不和,但無損感情,就算要兩人演感情戲一樣冇問題。

楊天宇和郭奕芯最近參與ViuTV真人騷《辣伙頭•開火》,兩人擦出不少火花。

有過今次經驗兩人更加佩服侍應,楊天宇說:「我做過節目,樓面最難唔係落單計數,最難係同廚房配合,唔亂可以順住次序咁整唔會出錯。」郭奕芯亦認同:「Christian(廚師楊尚友)講過樓面會同廚房不和,嗰時我唔明點解,但做過樓面就明,食客有不滿會直接投訴你,好多問題答唔到係會好有壓力。」所以楊天宇奉勸大家開餐廳要三思,「因為太受環境同外在因素影響,就算煮到神級嘢食,唔代表唔會執笠,除咗對嘢食有熱誠,仲要好有生意頭腦。」