*

upload_article_image

自私男女巴士內除罩嘆珍奶 倒瀉完就地掉垃圾

網民話「唔覺得醜㗎咩」!

巴士上不應飲食,但有網民近日就見到有自私乘客在車廂內除口罩嘆奶茶,不僅如此,途中更不小心倒瀉一地,用紙巾抹乾後,竟將垃圾和珍珠奶茶杯直接掉在地上,被網民很批無公德心。

將軍澳主場FB

網民在「將軍澳主場」Facebook群組發文,指有一對男女由太子聯合廣場站上98C線,在車上除口罩嘆珍珠奶茶。途中將奶茶倒瀉一身和地上,用紙巾抹乾後,竟直接掉在地上。男子其後將飲完的奶茶杯掉在地上,在寶琳下了車,而女子則繼續飲,然後同樣將空杯掉在地上後在重華路落車。從相片中可見,兩人用環保杯套裝奶茶杯,網民批評「懶環保咁用環保杯套但係就周圍掉垃圾,點解而家啲人一啲公德心都冇,仲要除低口罩飲嘢散播細菌」。

將軍澳主場FB

不少人都留言批評無公德心,「一啲人嘅心態就係,有清潔工會清潔」、「掉到一地垃圾,唔覺得醜㗎咩」,亦有人表示應告訴車長,但樓主就回應指「我覺得佢識個車長,因為佢上車時有同佢傾偈」。