*

upload_article_image

黎耀祥兩公婆狂掃5支清酒 強調純入貨非開P

視帝祥買咗5支清酒,每支盛惠700蚊。

雖然近日疫情緩和,但專家都話盡量減少社交活動,社交距離亦要Keep住。日前見到三屆視帝黎耀祥拖住老婆去咗圓方行街,兩公婆路過一間酒舖望兩望即入,然後買咗5支清酒離開,問視帝係咪開P?視帝秒答「入貨啫」。

兩公婆研究清酒都講咗好耐。

黎耀祥之前跟TVB改簽部頭合約,逐步減產享受家庭生活。黎氏夫婦一向鍾情日本,鍾意去日本旅行,又鍾意食日本嘢,因為新冠肺炎影響,邊度都唔去得,可能因為咁,家中清酒存貨量激減,所以見到啱就入多幾支。

黎氏夫婦買咗5支清酒返歸。

兩公婆揀完酒再叫店員介紹。

祥仔之前拍《殺手》操到變鋼條。

祥仔好醒,聽到問楊明,答唔知保平安。

祥仔好眼睛,一出店舖問門口就發現記者。

750蚊一支嘅大吟釀,祥仔買咗5支。

唔知楊明咩事

當日下午,黎氏夫婦去咗Vivienne Tam買衫,買完就行去停車場放低啲衫之後再繼續行街,兩公婆路經一間酒舖就即入,兩人主力睇清酒,平至400蚊貴至4000蚊都睇,見有貴客光臨,店員都好好招呼,兩公婆加一個店員傾咗好耐,最後視帝祥買咗5支清酒,每支盛惠700蚊。一出門口,黎耀祥就發現記者,先揮揮手打招呼,問祥仔買咁多酒係咪開P?佢諗都冇諗即刻答:「飲晒,入定貨啫。」再問有無留意楊明涉醉駕嘅新聞,為免講多錯多,祥仔即以唔知同唔清楚作回應。