*

鍾翰林被捕 見美領館已成高危動作 建制派可免則免

學生動源召集人鍾翰林今早去美國領事館,意圖尋求政治庇護時被捕。由於他已經被扣押護照,無法離開香港,就想去美領館尋求政治庇護,但可能事先洩露風聲,就被警方國安處人員拘捕。

鍾翰林。

鍾翰林。

鍾翰林一心去尋求庇護,都唔知美領館幾點鐘開門,去早咗,8點10分美領館未開門已經到了,就去美領館對面的聖約翰大廈飲咖啡,結果就被追蹤而至的警方國安處人員拉咗。由此可見,尋求庇護都要做足功課,睇啱時機,否則好易落鑊。

在港區國安法制定之前,美領館經常接觸香港各界人士收風,即使係建制的政黨,久不久會同美領館人士見面。不過自從中美關係急劇轉差,國安法制定同埋美國宣佈制裁11個中港官員之後,見美領館人員,亦都變成一種極敏感的高危行為。

建制派為免觸犯國安法中的勾結外國罪,收到美領館邀請見面,都會事先問一問阿爺。有建制派大佬就話,最近收到這些邀請,但係阿爺就不建議佢地接受邀請會面,所以見面亦都告吹。

現在建制派都認為,同美領館人員見面,已經成為高危動作,可免則免。即使向阿爺尋求批准,基本上都不會獲批。

今次鍾翰林在美領館附近被捕,就的確有小小戲劇性,相信亦都會起到阻嚇作用。雖然他的個案比較特殊,是意圖尋求政治庇護之前被捕,但是其他反對派人物將來同美領館見面,都真係要三思,小心觸犯勾結外國罪。