*

《男排女將》首播 Edan貼Jer瞓覺片段贈興

鏡頭外搞笑時刻。

ViuTV原創劇《男排女將》昨晚首播,部分MIRROR成員已經率先出場同大家見面,包括飾演「阿神」的Edan(呂爵安)和「方丈」的Jer(柳應廷)。Edan愛整蠱隊內好友Jer不是新鮮事,劇集見街令他又有機會公開Post兄弟搞笑片段。

其實Jer咁樣瞓唔瞓得著㗎?

雖然Edan成日整蠱Jer,不過二人其實好老友,今年8月Jer舉行《迴光物語》Music Live音樂會時,更邀請Edan一齊Cover《銀河修理員》。

Edan昨日在限時動態連Post兩條短片,片中係Jer休息時瞓覺的樣子,並留言:「《男排女將》今晚首播,緊(梗)係要賀賀佢啦。左腳托左手,左拳再托頭,右手再揸機,終極擺Pose瞓教(覺)術!」

影片截圖

Jer呢個瞓覺甫士又真係幾經典。

既然Post得出嚟,當然不是正常恰著咁簡單。可能因為太眼瞓,Jer坐在拍攝場地的石柱上,連戲服都未換就瞓著咗。瞓覺甫士超奇特,Fans留言都大感疑惑,「點解咁都可以瞓得著?」又難怪Edan要將片段公諸同好,畀鏡粉睇吓偶像搞笑又可愛的一面。