*

upload_article_image

喱士西裝玩透視 張敬軒指玉背白滑全靠「遮遮」早餐

好靚!

昨晚,《張敬軒 X 香港中樂團盛樂》進入第二場,圈中好友如馮允謙、鄭欣宜、Dear Jane、湯怡,李靖筠,陳家樂及容祖兒媽咪都有捧場。

件衫前面有少少喱少。

後面喱士勁好多,好Sexy。

於演唱會的第四部分,軒仔換了一件黑色新西裝,前後都有喱士玩若隱若現,背部差不多全透非常性感,一出場已歡呼聲四起。軒仔笑說,「成晚背脊有啲涼浸浸,哈哈。」又叫觀眾幫他影相留念,「正所謂襯青春留倩影,幫我影幾張靚相!」引得大家哈哈大笑。

軒仔工人姐姐煮嘅粥真係勁稀。

呢位就係軒仔嘅「遮遮」。

但最抵死一定同「早餐KOL」有關,軒仔不單大爆屋企「遮遮」的由來,更以白滑背脊明寸「遮遮」,「呢一個咁嘅背脊,一粒瘡都冇,就係日日食白粥同麵包食番來!我直情開始食到有啲妊娠紋添!」觀眾又拍掌又大笑,軒仔即刻好無奈:「你話唱得咁辛苦為乜,遮遮重多掌聲過我。」

雖然食早餐份量唔多,但無影響軒仔唱歌。

軒仔話自己的白滑背脊,全靠工人姐姐的粥水早餐。

多得軒仔嘅ig Post,「遮遮」家陣好紅,軒仔話姐姐曾經長時間在台灣工作,識講80%國語,一心想她照顧來港生活的父母,「我爸爸媽媽都唔識講英文,同事叫Vincent,佢哋就叫人瘟神,所以諗住請個識國語姐姐照顧,可惜因為疫情關係,父母來港計畫一再拖延,我哋已經十一個月冇見面,只能通過視像傾電話。」