*

Joey Tang行超市掃廁紙 揀完紅酒老婆唔畀買

好聽老婆話

呢期鄧建明(Joey)出鏡率好高,一星期見足五日,因為佢同郭偉亮(Eric Kwok)及卓韻芝齊擔任ViuTV選秀真人騷《全民造星III》評判,下個月又要幫太極隊友雷有輝音樂會做bandleader,雖然好忙,但仍然有時間陪老婆行超市,仲出力拎廁紙,好幫得手。

之前Joey同Patrick齊為《頭條娛樂》 FB專頁開Live,反應勁好。

喺《全民造星III》中做評判,Joey身負重任。

着住超人Tee嘅Joey推購物車去睇紅酒。

推住成堆紙巾嘅Joey好專心咁揀紅酒。

因為做《全民造星III》評判先知道Joey份人原來都幾好,見到啲騎喱參賽者,或者睇到好恐怖嘅表演都唔會好毒舌,又唔會直率地叫人「唔好啦」,最多叫佢哋努力啲或者未合符標準,仲會鼓勵有歌藝冇樣嘅參賽者去做和音,一樣可以闖出一片天,聽嘅舒服,幾好吖。

同老婆會合後,鄧太拎走啲紅酒,

雖然已57歲,但Joey條髮線冇後移,感覺唔似就嚟60。

買完嘢,Joey拎住廁紙上車。

Joey喺紅酒區徘徊,睇嚟好鍾意飲紅酒喎。

日前夜晚7點半,《頭條新聞》見着住超人tee加短褲嘅Joey同老婆去咗又一城行超市,一家之主負責推住手推車,兩公婆先去買廁紙,前後三卷,再加購兩條盒裝紙巾,全部同牌子,個仔去咗澳洲讀書,呢堆嘢兩公婆應該有排用。行行下兩公婆分開咗,Joey企喺紅酒櫃前係咁睇,睇睇吓啱水心就放兩支去購物車,之後老婆會合返佢見到架車有酒即刻放返喺架,咦,Joey係咪平時飲太多呀?