*

upload_article_image

鄭裕玲憶梅艷芳往事 大讚對方有義氣做節目任問唔嬲

DoDo表示即使與梅姐不相熟但仍得對方幫忙。

最近鄭裕玲(Do姐)於電台節目《口水多過浪花》中的《Do姐有心事》環節大爆當年與梅艷芳(梅姐)相處往事。

東星圖片

Do姐表示當年梅姐參選新秀後出道,不時於電視台見到對方,她表示:「唔知係咪佢細個坎坷,佢係一個好懂事嘅人。雖然大家覺得佢好大家姐,佢的確係㗎!我同佢嘅世界係唔同嘅,佢係好鍾意出去,帶埋成大班人開心啊、食嘢啊、玩啊咁樣,好有義氣嘅一個女子嚟,我好欣賞佢。」

網上圖片

Do姐於1992年主持清談節目《鄭裕玲星夜傾情》,當時節目找梅姐做首集嘉賓,她指訪問大明星亦會怕問了令對方不高興的事,所以當時與她就直接問梅姐:「有冇啲咩嘢係唔問得?」豈料對方回答:「你千祈唔好諗呢樣嘢DoDo!呢個節目係你㗎嘛,而且你打頭炮啊嘛,我上得嚟,我梗係咩都答啦,你而家唔使話俾我聽你問乜嘢,問乜都得!」Do姐強調指當時與梅姐並不熟絡:「冇㗎,我都話我哋兩個世界,佢去蒲嘅時候,我已經瞓咗,佢好好啊!我覺得係一個冇得頂嘅藝人!我已經好有好感,Respect。」

網上圖片

後來兩人於電影《賭聖延續篇:賭霸》合作,Do姐表示後段拍得相當辛苦,連踩30個鐘,周星馳亦有到場客串,更指臨尾「拍到暈」。當時劇組預備兩個睡袋,不用拍的人可以補眠,她與梅姐當然亦會把握補眠機會,她指兩人合作得相當愉快。

網上圖片

最後講到梅姐患癌後,TVB為她拍攝個人特輯《梅艷芳真心相聚》,由Do姐負責主持。梅姐為了宣傳演唱會之餘,亦想與歌迷見面,所以才帶病拍攝特輯。Do姐表示:「我就係差唔多嗰次係最後見佢,做完個特輯,我同佢講『梅姐,雖然我同你唔熟,但係我好希望你會戰勝佢,身體健康』。」當時對方就答謝她。Do姐其後又再大讚梅姐:「佢個人真係好好,好有義氣,而且佢好熱愛呢行,無論係邊個範疇佢都鍾意,唱歌、演戲、演唱會,所以我都好有幸,雖然唔係同佢合作得好多,但係曾經同佢合作過呢套《賭霸》。」

網上圖片

觀看相關影片按以上畫面。