*

被指比姜濤更合資格奪叱咤 鄭中基:唔好抹煞人哋嘅努力

Ronald還自言只得一首歌,唔好意思拎。

鄭中基(Ronald)及強尼今日(26日)以《暖男爸爸》拍檔出席保險活動,問到為何缺席元旦日舉行的《叱咤頒獎禮》?Ronald笑說:「唔使啦,樂壇應該畀後生仔多啲鼓勵,況且去到又冇認識嘅人,冇陪我傾偈,但我有睇電視。」

鄭中基及強尼戲裏戲外都係暖男爸爸。

對於網友認為他比「人氣王」姜濤合資格拎獎?Ronald卻否定說:「唔會啦!人家努力出唱片,我只得一首歌,我唔好意思拎啦,唔好抹煞人哋嘅努力。」

鄭中基話唔想抹殺姜濤努力,唔會同他爭攞「叱咤」獎。

21歲的姜濤破《叱咤樂壇頒獎禮》歷史成為最年輕「叱咤樂壇我最喜愛的男歌手」。

鄭中基仲有好多樂迷支持,所以唔會放棄唱歌。

Ronald又透露最近處境「嚴峻」,皆因兩名子女已近一年沒返學,女兒又要考試,小四的課題已勁難,加上老婆報讀兒童心理學課程,跟女兒同日考試,喺咁忙碌下冇暇追多個。

鄭中基老婆太忙,兩公婆未得閒再造人。

以前係「無賴」嘅鄭中基已變身湊仔公。

鄭中基婚後變成暖男爸爸,一家四口相當溫馨。

強尼表示兒子跟Ronald女兒同齡,最近沉迷打機,早前帳戶被盜即喊晒口;Ronald亦爆女兒同樣有慘痛經歷,見她爆喊時還以為她受傷了!