*

upload_article_image

小二女生著尿片以BB車代步 網民嘆過份溺愛或影響日後成長

可能會害了她~

有不少父母都十分疼惜孩子,但過份疼惜只會帶來反後果。有網民分享指,曾照顧過一名就讀小二的女童,該女童出街不但要用BB車代步,更要穿上尿片,以防「瀨尿」。該名網民嘆父母誤以為這是疼惜孩子的表現,但事實上只會害了她。

事主於FB專頁「生仔要考牌系列」投稿,指該名女童雖然已經為小二學生,但仍然要穿上尿片,「原因係佢媽話驚佢瀨尿,而個女仔就話反正有片咪痾落片」,事主聞言亦感愕然。事主又指,女童的母親十分溺愛她,事事遷就,「到煮飯俾佢,佢媽媽話佢唔鐘意咬嘢,瓜同肉絲都會煮到勁淋,或者蒸水蛋唔使咬」。

【Juicy叮】小二女童著尿片以BB車代步 網民嘆過份溺愛

網民指,該名女童出街須以BB車代步。資料圖片(非文中女童)

事主稱,女童出街更要以BB車代步,要到了公園或學校門口才會下車,事主形容「BB車係為佢隨時眼瞓時用」。事主表示,女童曾經試過要求事主贈送玩具,遭拒絕後便「瞓地、喊、尖叫」,事主千方百計都未能遏止她,最後只好無奈就範。事主事後曾打算向女童的母親要回購買玩具的費用,豈料母親竟回應指「你咪送俾佢囉,又唔係貴,我個女咁得意,你唔係同佢計嘛」。

GETTY圖片

事主慨嘆指,這樣的照顧方式根本不是愛的表現,因為到頭來只會害了該名女童,影響她日後的成長。

【Juicy叮】小二女童著尿片以BB車代步 網民嘆過份溺愛

網民分享指,曾照顧一名女童,她就讀小二仍要穿着尿片。資料圖片(非文中女童)

帖文一出便引起網民熱議,「真係想像唔到大左點算」、「仲著尿片真係犀利」。不過亦有網民認為該名女童可能於智力上有問題,「個小朋友是否智力有問題?可能要睇醫生check下喎」。

Getty圖片