*

upload_article_image

MIRROR预告明年再开个唱

时间过得真快

组合MIRROR去年参加ViuTV《全民造星》出道,转眼已一年,并推出新歌《Reflection》。早前他们继续唔齐脚、只有十子接受《头条日报》访问,他们坦承时间过得好快,好感激观众和粉丝一直对他们好包容,所以新一年会努力令唱歌和跳舞实力提升,希望不会再令支持者失望,更预告明年将再举行演唱会。

早前MIRROR合体拍摄写真集,更笑言是史上最密实的写真。

谈到出道一年感受,队长Lokman(杨乐文)坦言时间过得特别快,“我哋每日都好似追紧进度咁,呢一年真系做咗好多嘢。”Anson Lo(卢瀚霆)就话:“好多谢观众同我哋嘅粉丝,都对我哋好包容同埋体谅,好似我哋唱歌失准,或者跳舞唔齐,佢哋唔会好似批评其他艺人咁样批评我哋,反而好似伴住我哋成长咁,真系令我哋唔好意思,好想努力回馈番佢哋。”

今次访问继续唔齐人,AK(江熚生)要拍新剧《打天下》、Edan(吕爵安)则参加毕业礼 ,只有十位成员现身。

展望未来发展,各成员当然希望团队不论唱歌和跳舞都会继续进步,亦想推出更多歌。而Jeremy(李骏杰)就比较实际,“想我哋快啲推出到大碟,之前其实有机会,但系个计划推迟咗,希望好快可以成事。”而Ian(陈卓贤)更透露:“我想大家齐心做好啲,因为我哋明年会再有演唱会。”

早前MIRROR专登飞到台湾为新歌《Reflection》拍摄MV。

至于个人方面,十子亦各有目标想达成,譬如:Jer(柳应廷)想演音乐剧、即将拍剧的Frankie(陈瑞辉)想增加自信、Tiger(邱傲然)想多参与戏剧演出、快将演出新剧《男排女将》的Anson Lo亦想把握好今次演出机会。不过Alton(王智德)的目标竟然是,“我睇《造星II》块面太凹,所以想肥番啲。”即引起由肥仔辛苦keep住身形的姜涛不满,相当搞笑,谈到个人目标,姜B说:“嚟紧拍剧个角色我需要学结他,自己一直都好想学样乐器,呢个系歌手基本要求。”最后问到各人有何不满要投诉,Stanley即搞笑话:“我同花姐讲想唱solo,但佢问我‘睇吓你唱成点?’咁我练习吓先!”

MIRROR最近有份参与《全民造星II》,他们认为跟师弟比赛虽然有压力,但亦是鞭策自己进步的好方法。

7月,MIRROR首次踏足红馆出任郑秀文演唱会嘉宾,他们都认为成件事好梦幻。

姜B继《退休女皇》后,预告即将开拍新剧,仲要在剧中自弹自唱。

排球员出身的Ian有份演出《男排女将》,他笑言:“其他人觉得难打嘅波,我要帮手做替身,好惊会整伤旧患,呢排都有健身练好状况。”