*

upload_article_image

三岁宝贝仔唔饿得 车婉婉买面包赶返归

好锡囝囝 !

2017年3月,当年42岁嘅车婉婉诞下囝囝Justus Quinlan(乳名BBQ),囝囝生得又白又滑又肥嘟嘟,非常得意,所以佢好多Fans,全靠婉婉喺ig以“高龄日志”分享凑仔点滴,BBQ食过乜着过乜边度流过血,一揿佢ig就一清二楚。从而知道BBQ好钟意食嘢,食量仲非常之厉害,所以就嚟三岁嘅人仔非常高大同壮健。日前下昼三点,婉婉喺铜锣湾做完嘢再去崇光超市买面包,面包盘放满晒,囝囝有排食。

婉婉拣面包唔太耐,好快有心水。

车婉婉边揿电话边排队买面包。

有啲星妈星爸好低调,唔想仔女个样曝光,有啲就好钟意同人分享仔女嘅成长趣事,好似coffee啦,李璨琛老婆啦,同埋车婉婉,老实讲几好睇嘅,好似婉婉会post好多囝囝嘅第一次,第一次去海洋公园,第一次坐缆车,第一次脚趾受伤咁,睇得多好似同BBQ好熟咁,感觉好得意。

买完面包,婉婉行去搭小巴,44岁但条腿依然好吸引。

婉婉增完值就行去买面包。

当日下画三点,发现着住长身外套露长腿嘅婉婉喺便利店增值,然后去崇光超市买面包,排队畀钱条龙好长,但婉婉依然继续买,见佢拣咗5分钟,买咗一盘面包,内有小蛋糕,有馅同无馅嘅面包仔,仲有一袋六件嘅小面包,全部细细件,啱晒BBQ一手拎住慢慢咬。拣包5分钟,排队畀钱10分钟,买完就行去百德新街搭小巴返宝马山寓所。

买完面包,婉婉行去搭小巴,44岁但条腿依然好吸引。

婉婉有份做《牛下女高音》,之前跟同剧演员出席祝捷晚宴。

婉婉趁囝囝开学前带佢去海洋公园玩,第一次坐缆车嘅BBQ完全唔惊。