民青局局長麥美娟Alice今日趁工作空檔，返去以前服務的社區，街坊見到佢一時改唔到口，仍然係叫佢「麥議員」，麥美娟有感而發話，「無論街坊稱呼我麥議員、麥小姐、麥美娟、麥局長，其實都係一句啫，我仍是我，最緊要『幫到你』！」
Alice局長今日趁工作空檔，返去以前服務的社區。
Alice局長在社交媒體發文，話自己返去熟悉的社區，仲去到區內老字號茶餐廳買至愛的椰絲奶油包做午餐。路過巴士站，候車的乘客同佢打招呼：「麥議員，你買嘢呀？」再行前又有個街坊：「麥小姐，記唔記得我住安蔭邨呀？」
買麵包時，茶餐廳老闆又問：「你今日放假呀？」買完麵包轉身離去，一個婆婆路過說：「喂麥美娟喎，你做咩食麵包唔食飯呀，幾忙都正經食餐飯啦！」
之後當Alice局長上車時，已經帶著一大袋麵包、糯米糍！佢話，帶著的還有滿滿的街坊情，社區情，「這是每個做地區工作的人最大的收穫。」
做過葵青委任區議員、直選區議員同立法會新界西直選議員的Alice局長感慨，要完善地區治理，就是要找到合適的區議員做好地區工作，就是要從制度上提升地區治理效能，讓每個街坊都感受到幸福感和獲得感，讓我們的社區繼續充滿愛和溫馨。
她表示，無論街坊稱呼麥議員、麥小姐、麥美娟、麥局長，其實都係一句啫，「我仍是我，最緊要『幫到你』！」
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
