栢天男自爆童年畀uncle鬍鬚拮長大有反擊 沈震軒：我唔想有呢個畫面呀！

栢天男分享小時候「俾鬚拮」的經歷，還表示很開心長大後有拮番uncle，嚇親沈震軒，「我唔想有呢個畫面呀大佬！」

沈震軒（Sammy）向來熱愛健身，早前他更將興趣發展成生意，孖女友陳欣妍（Shirley）投資開設健身中心，又拍攝網上節目《操嘢VIP》，首集便找來好友栢天男（Adam）齊齊玩「操嘢」兼講「拮嘢」。

Sammy拍攝網上節目《操嘢VIP》，首集找來好友栢天男齊齊玩「操嘢」。

二人還大講「拮嘢」。

話明「健身操嘢」，應該嚴格控制飲食，點知節目一開始，Sammy竟帶Adam到連鎖式快餐店食burger薯條飲汽水，Adam問到：「做gym可以食呢啲嘢㗎咩？」Sammy似是十分有道理地謂：「冇糖啲肌肉唔pump㗎。」二人邊食邊吹水，Sammy不諱言這次找Adam拍攝節目，是二人都有留鬚，提到大眾對留鬚的刻版印象，Sammy直言很多導演或老闆見到他便叫他剃鬚，「『剃咗佢啦成個壞人咁。』佢哋話今次想我做一個好乖嘅角色。」Adam即提出疑問：「乖唔可以有鬚咩？」Sammy立即附和，「係呢！點解乖唔可以有鬚呢？」

觀看相關影片按連結：https://youtu.be/pt4MFFCJsPk?si=ZUHLXpO1ddf9GOY6

問到二人覺得女生是不是不喜歡男生有鬚，Sammy便分享他與女友關於鬚之趣事，「我身邊嗰個叫我唔好剃鬚，佢一定要我留鬚。但係我錫佢，佢就話：『你好拮呀啲鬚！』我話咁你想點啫？佢話：『我鍾意你錫我嘅時候冇鬚，但我又唔想你剃晒啲鬚。』哈哈。」Adam想到小時候「俾鬚拮」的經歷，「細個時候有個uncle真係有好多鬚，成日用啲鬚嚟拮我。」「冤枉娛樂」主理人「枉阿姐」問：「你有冇拮番uncle吖？」Adam表示很開心長大後有拮番uncle。聽到對話後Sammy即謂：「我唔想有呢個畫面呀大佬！觀眾會話我聽咗啲咩？我睇咗啲咩？」

Sammy指與女友唔鍾意佢留鬚。

Adam表示很開心長大後有用鬚拮番uncle。

開完餐後，Sammy想到剛才的留鬚話題，忽發奇想提議做街訪，「不如問吓啲人鍾唔鍾意留鬚嘅男仔。」在一眾受訪女士中，喜歡與不喜歡男士留鬚比例各佔一半，期間二人又遇上fans，「我有follow你哋IG㗎」、「好似你哋咁靚仔就梗係可以（留鬚）啦。」有女生表示「感覺留鬚係會對一個人嘅顏值要求比較高啲。」Sammy立即問到：「所以要有顏值先可以留鬚？」受訪女生認同，Sammy聽後自信滿滿說：「講出個重點來。」一眾訪女士被問到Sammy還是Adam比較靚仔，Adam以票數三比一稍勝，但Sammy亦被遊客認出是藝人，過程搞笑，一位女遊客問：「你是不是那個明星？」Sammy說：「我們像那個明星。」女遊客卻肯定地說：「我覺得你是吧！」同行的男遊客：「沈……」眾人隨即爆笑。

影片截圖

影片截圖

影片截圖

影片截圖

影片截圖

玩完街訪就去做返「正經嘢」。

ViuTV節目《不一樣的愛情》逢星期一至五晚上10時30分播放，由鄧小巧（小巧）、黃正宜（阿正）、何居倬（Adams）和黃凱逸（Zelos）擔任主持，與觀眾一同走進各式各樣看似不相襯的親密關係之中，仍能在彼此世界裡，找到屬於他們的默契和愛。

明晚（12日）《不一樣的愛情》播出的最後一集，請來沈震軒與陳欣妍（Shirley）擔任嘉賓。

明晚（12月12日）播出的節目最後一集，請來沈震軒與陳欣妍（Shirley）擔任嘉賓，分享兩人相差十年的相處之道。二人同為演員，Shirley 憶述初次相識是在一次拍攝現場，當日日曬雨淋，加上正值生理期首日，身體十分疲憊。然後沈震軒主動讓出座位，並從背包中取出朱古力給她補充體力，其細心體貼的一面，令Shirley對他留下深刻印象。

沈震軒與Shirley談到同居生活，形容是「一凹一凸」的組合。

Shirley形容沈震軒與自己過往認識的男士十分不同，「原來搣咗層紗布先知佢咁穩定，好似執到寶咁」，她直言過去遇到的對象多屬「Playboy」或不夠穩重，而沈震軒卻性格自律、專一，生活作息固定，就連健身時聽的歌曲清單七年來都未曾改變。

沈震軒亦分享，真正令他對Shirley產生好感的一刻，是某次送對方回家時，對方即使比自己年輕十年，仍能對自己創作的歌詞產生共鳴，令他深受感動。相處過後，Shirley的處世態度亦讓他學會放鬆心情，他坦言：「尤其我哋八十後男士，成日覺得唔可以放假，要做到隻牛咁，最好係身邊嘅人可以令我放鬆，而佢就係嗰個人。」Shirley亦補充指，沈震軒即使只是駕駛時行錯路，都會責怪自己。

沈震軒稱「男人聽女人話會發達」。

談到同居生活，兩人形容自己是「一凹一凸」的組合。沈震軒喜歡整齊但不算潔淨，Shirley則剛好相反，喜歡潔淨卻較不善整理。磨擦自然難免，沈震軒笑言：「雖然我好鍾意佢，但佢有好多嘢都令我唔順眼，尤其係佢嗰種『Chill』、『慢』，真係會令人炆憎。」至於解決方法，沈震軒表示二人吵架「唔會隔夜」，一定要當日解決。Shirley聽後忍不住偷笑，直言對方清楚自己最大問題是只有短時間的專注力：「你最好Chur盡嗰十分鐘，之後我就無㗎喇。」她亦形容沈震軒是「道理王」，由平復情緒、整理思緒到講道理，整個過程需時六小時，但又必須在睡前解決，令她哭笑不得。

被問到情侶一同經營生意會否帶來壓力，兩人坦言反而更享受一起承擔。沈震軒亦透露，生活中大大小小的事情都會顧及對方感受，給Shirley帶來十足安全感。他更笑言，有時會將最後決定權交給另一半，因為相信「男人聽女人話會發達」。二人因同居關係，工作早已融入生活之中，就連閒話家常亦離不開工作，但彼此均未感到困擾。

節目中Shirley亦爆料，沈震軒每日在健身室待足四小時。沈震軒澄清，真正訓練時間只有兩小時，其餘時間多數用作招呼客人、聊天及整理器材。不過Shirley則反指，即使在家中私人健身房，對方同樣待足四小時。沈震軒隨即解釋，純粹因為太愛健身器材，總希望將擺放位置調整至最完美狀態。

Shirley大讚沈震軒專一。