有「御用小人物」之稱的羅青浩曾被傳死訊，日前接受楊紹鴻的YouTube節目訪問，片中他臉上留有鬍鬚，有網民說「不說也不認得是他」，你們記得他是誰嗎？
羅清浩為前亞洲電視藝員，原名羅振彪，於80年代活躍影視圈，曾與萬梓良一同演出神劇《流氓大亨》，飾演其弟弟方學斌。更為人熟識的，是他在《城市故事》飾演市儈佬郭通天（Victor）一角，令觀眾留下深刻印象。現在的他，看似更成熟穩重。
日前接受楊紹鴻的YouTube節目訪問。
亞洲電視肥趣電視台羅青浩與苑瓊丹演出。
談到2018年重播《流氓大亨》時被誤傳死訊，羅清浩說︰「嗰時我仲喺香港，忽然之間收到朋友電話，話有記者搵我，我仲無啦啦搵我做咩？我離開電視圈都有10幾年，點知朋友話『有人話你死咗喎』，我就話『吓！係呀？阿彌陀佛』，後來啟華有幫手，有記者搵佢問我嘅近況，佢有講我近況，唔係去嗰個level，我就話可以留個電話畀我搵記者啦，但佢就冇咗件事，不了了之，其實都冇咩影響嘅，呢行基本上都好多誤傳，我又覺得冇咩嘢，誤會啫！」
《流氓大亨》中飾演演萬梓良的弟弟方學斌。
《流氓大亨》中飾演演萬梓良的弟弟方學斌。
大家都很好奇羅青浩當年退出電視圈原因。他坦言說，因為電視台換咗老闆。「最初我入去ATV時係林百欣年代，跟住公司換咗老闆，好多人事變動，公司話唔簽咪唔簽囉，我應該係2000年離開，最後一齣劇係《海瑞鬥嚴嵩》，去上海同無錫拍。」回復自由身後，羅青浩未有再簽其他公司：「我份人好得意，我覺得人生有好多可能性，唔一定做一份工做到走為止，我好細個就出嚟做嘢，出版社、紙盒廠，每份職業到某個階段，就會諗係咪時候轉一轉？你話我念唔念舊都好，我係鍾意新嘅事情，啱啱有個老友做速遞，叫我入佢公司幫手，緣分到咪去試吓！」
羅青浩為人喜歡隨遇而安，不會勉強。
當主持問到他有冇留戀電視圈時，他自認沒有人脈，唔到他留戀。「佢又唔簽，求佢又未必求得到。而且我又好怕靠人事，一來我好似孤兒仔咁，我係參加比賽而入行，唔同訓練班出嚟，佢哋有師兄、導師提點又可以去問，好多嘢都有前輩畀意見。我係參加比賽贏咗而走入電視台，人又唔識，部門又唔清楚，派到有通告就返去開工，初期咪做啲閒散角色，自己盡量勤力啲讀熟劇本，希望有啲表現。」羅青浩亦坦誠「為人無大志，唔會同人爭」，喜歡隨遇而安。至於他會否復出拍劇？羅青浩表示，會視付自己條件適合與否，不會勉強。
近年出演舞台劇《豪門瘋暴》
觀看相關影片按連結：https://www.youtube.com/watch?v=upKCRfsO8ws
由無綫與優酷聯合出品，鍾澍佳總監製，關文深監製，郭健樂編審的台慶劇《康業信貸快遞呈獻：新聞女王2》，下周一（15日）由晚上八點半開始、於翡翠台連播兩集的《新聞女王2》，昨晚（12日）劇情高潮迭起。幾經拉鋸，Diana（蔣祖曼飾）終同意回收「治癌神器」，方太（龔慈恩飾）終於甦醒，並授權及推薦文慧心（佘詩曼飾）入SNK董事局主席。文慧心掌權後，除大動作表示要將SNK私有化，更出盡全力整治電視部總監兼死對頭Kingston（黃宗澤飾）…
阿佘行得咁型得唔得架。
阿佘同黃宗澤嘅挑機樣大比併，真係好精彩。
阿佘同黃宗澤嘅挑機樣大比併，真係好精彩。
文慧心一以主席身份進入SNK董事局，即刻搞好大動作。
昨晚絕對是Kingston與文慧心對壘最多一集，黃宗澤與阿佘憑藉精湛演技，在不少場口中單以「挑機嘴面」已令劇情張力十足，再加上二人大量「皮笑肉不笑」的「口蜜腹劍」位，連串VS相當吸引過癮。為增加觀看價值，劇組還為二人打造了一場《寒戰》式疊聲對罵戲！雖然時長只有8秒，但涉及的台詞量卻相對地多，就連演技獲一致認可的阿佘，亦被這場口嚴重考起。根據官方釋出的場口花絮片，阿佘連續三次輸給黃宗澤，更一度忘詞！為了宣洩不甘，阿佘除了大擺可愛「嘟嘴樣」，又一度激動至伸脷兼大聲吼叫，令黃宗澤最終亦失守爆笑，還搞笑地扮摑阿佘，拍攝現場氣氛相當歡愉。
呢場戲雖然短，但就考起咗阿佘；阿佘仲因為呢場戲，曝露咗好多不知人知嘅可愛面。
呢場戲雖然短，但就考起咗阿佘；阿佘仲因為呢場戲，曝露咗好多不知人知嘅可愛面。
呢場戲雖然短，但就考起咗阿佘；阿佘仲因為呢場戲，曝露咗好多不知人知嘅可愛面。
Bosco早前接受娛樂訪談節目《一周星星》訪問時，便踢爆該場是阿佘「最討厭的一場」，阿佘聽畢忍不住大吐苦水：「最慘係佢（Bosco）把聲又大，我把聲又細喎！我完全聽唔到自己（講嘢）...你（指Bosco）聽唔聽到自己講嘢？」Bosco：「其實我都唔係好聽得到！」阿佘續說：「我好似得番口型咁樣，我只係覺得好笑，我哋試嗰時係係咁笑場嘅。」但二人亦異口同聲表示，完成場口拍攝後感覺很爽，Bosco說：「好過癮嘅，因為你好似要處於一個好真空嘅狀態，背到好熟，滾瓜爛熟，行埋去就互隊架嘞！都真係好難，呢個咁樣嗌交嘅方法。」
下周一播出大結局的《新聞女王2》，昨晚一集劇情高潮迭起。
下周一播出大結局的《新聞女王2》，昨晚一集劇情高潮迭起。
下周一播出大結局的《新聞女王2》，昨晚一集劇情高潮迭起。
網民激讚「吵成這樣台詞還是聽的清清楚楚，有邏輯有立場，中氣十足」
對於二人場口的表現，網民洗版式讚好：「我覺得吵架就這樣才對」、「他倆吵成這樣台詞還是聽的清清楚楚，有邏輯有立場，中氣十足」、「短小精湛的神」、「笑死，看得出他們忍了對方很久」、「聽說這段吵架戲的台詞，是全劇最難講的」、「完全沒有食螺絲，勁呀」、「黃宗澤那個眼神很八婆」。
昨晚另一焦㸃劇情，是家妍（李施嬅飾）與劉艷（王敏奕飾）分別追查網上情騙案及大學生虧空公款案，最終線索竟指向相同的關係網，並估計涉及跨國詐騙據點「3U園」。雖然事件極盡震撼，但飛爺（鄧智堅飾）及家妍為了「公開平台」同事安全，拒絕進一步調查及報道事件；另邊廂，SNK的Ivan（何廣沛飾）主動提議潛入「3U園」做調查報道，Man姐極力阻止，但最終還是敵不過Ivan的滿腔熱血，與他一起放手一搏…到底誰是Final Case「3U園」Big Boss，Ivan最終是生是死？Man姐Kingston大戰最終鹿死誰手？劇情發展保證峰迴路轉，密切留意下周一晚一連兩集播出的《新聞女王2》。
