疑似智障男童搭「霸王的」遭司機怒追倒地惹議 網民持兩派看法

疑智障男童搭「霸王的」，司機下車追截，拉扯間男童倒地，司機的做法惹網民反感。

有疑似智障男童搭「霸王的」。（FB影片截圖）

該司機於Facebook群組「的士司機資訊網」上載4段車cam影片，顯示日前下午約2時，一名身穿藍色上衣、身形肥胖且戴口罩的男童搭乘的士，要求前往樂富港鐵站。但不久後他突然改變目的地，表示要前往彩虹港鐵站。

司機表示對彩虹路線不熟悉，反問「彩虹地鐵站我喺邊度停俾你呢應該？我唔熟嗰頭啲路，你識唔識路？」男童隨即表示識路，司機則旨意他帶路。當的士駛至彩虹港鐵站附近時，男童指向右方表示要「兜返呢度」，然後要求在彩虹巴士站下車。司機強調巴士站無法停車，只能在港鐵站附近停車。

男童沒有付車資，司機於是落車追截。（FB影片截圖）

抵達目的地時，男童沒有付車資，便開門走人。司機見狀伸手試圖阻止，高聲喊著「畀錢啊！」但男童置若罔聞，毫不理會司機便離開的士。司機決定下車追趕男童，二人在馬路旁發生拉扯，男童大聲呼叫救命。一輛小巴經過時慢駛觀望，但未停車協助。

最終，男童倒坐在路邊，摸著頭部，一言不發。司機在片中大罵「坐車唔畀錢，又話樂富地鐵站、一陣又彩虹地鐵站、巴士站，點嚟點去呢個。你企返起身！」結果司機最終亦無奈放走男童「最後佢滾地炸死，放佢走」。

二人在馬路旁發生拉扯，男童大聲呼叫救命。（FB影片截圖）

此帖引網民熱議，不少網民批評司機叫男童帶路的做法「個乘客似係弱能/其他發展問題，你又唔識路，又要佢帶路，巴士站唔停得，你知唔代表冇車牌兼弱能乘客會知」、「個的士佬擺明睇人搵食，的士佬識得去樂富，但係去彩虹地鐵站就唔識咪玩嘢啦！」、「個的士佬睇到個客有啲問題，就連彩虹地鐵站都唔識去，就叫客帶路即係隨時游花園，有錢比就賺大數冇錢比就大大聲」。

亦有人認為司機不應該「郁手」及公審，大可報警處理「你捉住佢同佢有身體接觸亦唔應該，佢跌親你都幾煩，唔比錢咪報警囉，餐廳有人用霸王餐都係報警嫁啦，唔通同佢郁手？」、「郁手一定係錯，佢有咩損傷你蝕底咋，下次直接報警」、「其實真係一個小朋友， 最多咪報警，叫警察你搞掂囉， 最緊要有家人接返佢， 你又收到錢，但係無需要擺上嚟供審佢嘅」。

男童倒坐在路邊，一言不發，司機最終亦無奈放走男童「最後佢滾地炸死，放佢走」。（FB 影片截圖）

有人質疑片段沒有公開車資「聽唔到個司機收佢幾錢，可能個司機突然之間話收$500，跟住個客人驚」、「收幾錢條片cut咗，即係嗰條游花園數唔公開得？」、「可能係，可能係佢話收500，跟住個乘客好驚跟住跳車」。

但亦有網民撐司機「呢d樣邊係弱能兒童， 只係扮豬食老虎」、「唔俾錢就落車走，係人都嘅本能反應都係攔住佢，咁都話唔啱？」、「你都冇佢咁醒樂富彩虹都識帶路，司機亦只係捉住佢『何來郁手郁腳』？唔捉住佢唔通眼白白睇住佢走呀？我覺得呢個司機處理得好好」、「又要欄住佢，但又唔可以有身體接觸，仲要一邊報警，眞係要點先做到，雖然係小朋友，但係細時唔教，大時仲難教」。

帖文來源：Facebook群組「的士司機資訊網」

如今大家出門在外，只要有google map在手，行遍天下都不用愁。不過僅僅是在十幾年前，智能手機尚未普及的年代，港人是靠一本「搵路天書」闖天下。由通用圖書出版的《香港街道地方指南2026告別版》日前一上架即被搶購一空，這本陪伴無數港人近半世紀的「搵路天書」，在數碼地圖當道的時代宣布光榮引退，引發全城集體回憶。

網上圖片

據資料顯示，早在1968年說起。通用圖書推銷員每日走訪不同學校時，發現市面上竟無合適地圖集，決定自行編製。經過近十年資料彙集，1977年首版《香港街道地方指南》終於面世，當時僅150頁。近半世紀過去，最新告別版已增至312頁，每頁增加都記錄著香港新屋苑、新道路的發展軌跡。

網上圖片

《香港街道地方指南2026告別版》告別版封面設計，拼貼了歷代版本封面，配以「50周年紀念告別版」字樣和「1977-2026」年份標記，宛如一條時光隧道。書底印有的「告別宣言」感謝讀者多年支持：「創版以來叨蒙各方讀 友踴躍愛戴，感銘殊深」。

網上圖片

網友們紛紛分享自己與《香港街道地方指南》的故事：「通用地圖真係特別清晰詳細，九十年代工作要靠佢週圍去做嘢。」、「我老豆係職業司機，以前一定有一本街道圖旁身」、「我小學時代最愛讀物沒有之一」、「我細個都最鐘意睇，背埋後面的街名」，更有記者分享工作經歷：「仲未有Google Maps時，全靠佢帶路。」

雖然《香港街道地方指南》將成歷史，但出版社在社交平台透露，將由大本裝《香港街道大廈詳圖》接棒繼續記錄香港街道故事。