加盟新公司單飛減壓 榛綦「羊羊」得意推新歌 宣揚正向訊息

日前Natalie以單薄襯衣，冒寒到郊外拍攝新歌MV，除了與7歲童星演對手戲，更與過百隻羊咩咩同場「演出」，場面震撼

憑《全民造星IV》出道、女團STRAYZ成員之一的榛綦（Natalie），今年初以獨立歌手姿態推出首支單飛歌曲《Time To Fly》後，最近宣布加盟Hey music HK Ltd並推出年度第二首個人單曲《旅程多得你守望》，日前Natalie以單薄襯衣，冒寒到郊外拍攝新歌MV，期間Natalie除了與7歲童星演對手戲，更與過百隻羊咩咩同場「演出」，場面震撼，令Natalie大呼難忘。

年初以獨立歌手姿態推出首支單飛歌曲《Time To Fly》後，最近宣布加盟Hey music HK Ltd並推出年度第二首個人單曲《旅程多得你守望》

感恩出歌有Backup
歌曲《旅程多得你守望》背後意旨「天使數字444」，講述每個人身邊都會有自己的守護天使，每當遇到阻滯事情，守護天使便會出來給予信心、鼓勵，令事情得以順利完成，Natalie希望透過歌曲傳遞相信自己的正向訊息：「希望大家做事要相信自己，唔使擔心太多，要有信念，身邊一定會有守護自己嘅人打氣。」問到現實中，Natalie是否也對自己很有信念？她卻擰頭笑說：「雖然我鼓勵大家要相信自己，但其實我唔係一個好有自信的人，好彩身邊有好多好朋友、屋企人、粉絲，佢哋做我嘅守護天使，不斷鼓勵及支持，畀咗好多信心我，令我由一個冇信心嘅人，變成可以表演畀大家睇嘅人。」

歌曲《旅程多得你守望》背後意旨「天使數字444」

講述每個人身邊都會有自己的守護天使，每當遇到阻滯事情，守護天使便會出來給予信心、鼓勵，令事情得以順利完成

今次是加盟新公司後第一次MV拍攝，Natalie直認跟上一首歌曲有很大分別，毋須再身兼多職，壓力大減，她表示：「上一首歌，因為係獨立歌手身份，好多嘢都要自己去策劃同籌備，就連聯絡導演、工作人員都要自己處理，加上兼顧學業，所以有點吃力，今次好感恩，有公司不同部門同事去幫自己去傾所有嘢，令事情容易達成！」

今次是加盟新公司後第一次MV拍攝，Natalie直認跟上一首歌曲有很大分別

冒寒拍MV景靚人凍
今次新歌MV最大特色，除了聘請童星演對手戲外，製作單位更安排Natalie與過百隻羊同場，場面壯觀，她稱：「聽說同小朋友及動物拍攝係最難控制，但好開心，呢位小朋友好乖、好專業，雖然只有7歲，但真係好叻，一埋位就交足戲；至於同動物合作，就要自己去配合，始終啲羊聽唔明我講咩，但感覺都OK，出嚟嘅效果一定好好睇。」除了被過百隻羊包圍，Natalie指今次拍攝最難忘是天氣凍及取景偏遠：「為咗靚，我着得好單薄，適逢天氣轉冷，所以我而家好凍，雖然拍攝地方比較偏僻，但風景又真係好靚。」

Natalie與7歲童星演對手戲

呢位小朋友好乖、好專業，雖然只有7歲，但真係好叻

製作單位更安排Natalie與過百隻羊同場，場面壯觀

未知打後日子，Natalie會否繼續女團STRAYZ發展？她指：「STRAYZ係獨立個體，要自己搵資源發展，唔容易，所以大家都有傾過，認為暫時焦點放喺個人發展先。」Natalie續說現時已開始籌備不同類型歌曲，她期望可以跳唱形式推新歌，提到年底樂壇頒獎禮可有信心爭新人獎？Natalie直言會以「平常心」看待：「今年有好多出色新人，各有不同風格及強項，最重要係可以百花齊放！」

Natalie續說現時已開始籌備不同類型歌曲

最重要係可以百花齊放！

新晉歌手榛綦（Natalie）本年繼推出《第一萬零一次重遇》後，最近又有新搞作——翻唱偶像黃貫中經典歌《年少無知》，為配合歌曲宣傳，榛綦搞搞新意思，推出一連6集的小劇場，並以「社畜」作主題，宣揚重拾自我，而劇集除了由徐浩昌（肥腸）編劇外，肥腸與榛綦及演員張毓軒亦一同演出。

榛綦最近翻唱偶像黃貫中經典歌《年少無知》，並推出一連6集以「社畜」作主題的小劇場。

榛綦透露今次的《年少無知》屬較柔弱的Remix版本，「好多人認知由Paul前輩唱嘅《年少無知》，都係一首比較男子氣概嘅歌，但今次我呢個版本係比較柔弱。」榛綦指歌曲灌錄後，公司同事已迅速送給原唱人黃貫中所聽，榛綦興奮地說：「Paul前輩個feed back都好似幾良好，好感恩！如果有機會，我好想同Paul前輩合作Jam歌。」

榛綦指今次的《年少無知》屬較柔弱的Remix版本。

肥腸炮製小劇場

為宣傳新版《年少無知》，榛綦一反傳統MV，特別推出小劇場，而故事主題圍繞「社畜」，講述榛綦飾演一名超聽話的員工，永遠聽從上司指令、無條件OT，之後遇到一件事而覺悟，重拾自我。

對於今次角色挑戰？榛綦表示過往曾拍攝微電影，反而今次最大困難是拍攝場地有限，而唱歌跟演戲，榛綦覺得邊方面較難？她認為：「唱歌冇Take Two，但演戲可以NG，所以唱歌難啲。其實我細個夢想做演員，因為做演藝可以嘗試唔同職業，經過上次拍微電影後，發現對演戲都有興趣，但要先訓練演技。」

肥腸、榛綦

自爆社畜好材料

提到「社畜」，榛綦笑言自認鍾情「社畜」生活，她喜愛朝九晚五的工作，深感具有做社畜的潛力：「我會係好聽指令，可能我由細到大都喺咁嘅環境成長，屋企人培養我學好多嘢，成日好早起身返學，之後又上好多興趣班，所以成為習慣！」

榛綦笑言自認鍾情「社畜」生活。

此外，作為微電影編劇的肥腸首次與榛綦合作，起初曾一度擔心對方難勝任角色，他說：「喺IG睇對方啲相，覺得呢個女仔好Cool，初時擔心佢唔符合角色性格，但嚟到拍攝現場認識之後，發現佢原來幾Cute、幾有正能量，所以一開機已放下擔心。」

肥腸、榛綦

當中一場戲講肥腸跑步追着正踩滑板車的榛綦與張毓軒，肥腸坦言不感吃力，全因近年狂操Fit自己：「我Fit咗好多！因為早年身體響警號，肥到成日瞓極唔夠，而家愛上做運動、打拳、打籃球同做Gym，做好多運動個人都精神咗，我而家想練啲肌肉，因為身邊好多男神，好似Jeffrey、Ian嗰啲，佢哋個個手臂好堅，我都唔可以失禮。」

其中一場戲，肥腸要跑步追着正踩滑板車的榛綦與張毓軒。

肥腸坦言不感吃力，全因近年狂操Fit自己！