包場請fans睇《不日成婚2》 衛詩雅大爆電影另有結局

衛詩雅大爆金燕玲有一場戲令她大開眼界，更忍不住感歎：「好犀利！金姐姐確實係好犀利！」

由衛詩雅（Michelle）、陳家樂主演的電影《不日成婚2》正在上映中，日前，她便自淘腰包，豪請一班她的youtueb channel「衛食攻略」的fans「衛食自己友」包場睇《不日成婚2》，又準備小食派給fans邊食邊睇戲，認真貼心。

《不日成婚2》劇照

Michelle自淘腰包，豪請一班「衛食攻略」的fans睇戲。

又準備小食派給fans邊食邊睇戲。

電影播放完後，fans們都大讚好睇，又笑說Michelle不要拍太多恐怖片，要拍多點《不2》這類型的電影。Michelle又提到首次跟金燕玲合作，獲益良多，更大爆當中一場戲令她大開眼界，「最後一場戲，我同金姐姐、家樂三個一齊，個氣氛係開心嘅，唔係而家睇到個version咁激動，take咗幾take之後，導演就同金姐姐講，演一個激動啲嘅版本，佢就做咗呢個version出嚟，係幾震撼。」Michelle謂就算連現場男工作人員都眼濕濕，「我問番姐姐，『其實你有冇預咗導演無端端俾個咁嘅指示你？』金姐姐就話：『哎！我就係成日做呢啲戲，大家都傷害我嘅鍾意，咁我就特登做另一個方法，想呢套戲有啲唔同，哎！啲導演又係鍾意呢啲嘢。』好犀利！金姐姐確實係好犀利！」

Michelle指跟金燕玲合作獲益良多。

《不日成婚2》Facebook圖片

《不日成婚2》預告截圖

《不日成婚2》預告截圖

隨後，Michelle透露快將接拍新戲，不過造型及題材都要保密，「呢套電影對我嚟講係好大挑戰，應該一月中嘅時候會有記者會，到時就會揭盅，例如我會有乜嘢唔同、電影係乜嘢題材，唔知你哋鍾唔鍾意，我諗你哋都會鍾意嘅。」

影后衛詩雅（Michelle）及KOL吸金女王陳凱琳（Grace）盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓，Michelle表示非常慶幸有個醫美醫生老公周祉安（Kenley），可以隨時請教護膚貼士，但同時亦大感壓力：「人哋談情時會好情深望住對方眼睛，但我老公嘅視線就游走喺自己塊面，一時話多條紋、一時話有斑，搞到我有無形壓力，好多時唯有問佢點樣做！」Michelle笑言，最不滿意自己的高度，如果需要微調的話，她一定選擇增高。

陳凱琳及衛詩雅盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓。

Merz Aesthetics®️ 香港區總經理Candice Wong與兩位品牌大使擔任頒獎嘉賓

前日（24號）是Michelle的生日，收到姪仔「You Still Young」訊息而心花怒放，去年Kenley送上帽子作生日禮物，並不合Michelle心意，今年壽星女學精了，自己買下綠松石首飾，然後把賬單交給首次以老公身份相伴過生日的Kenley，Michelle難忘踏入重要一刻的搞笑情景：「佢（凌晨）十二點就熄燈，叫我扮唔知、扮驚喜，但個蛋糕根本就係我同佢一齊買！」

擔任Belotero® 品牌大使多年的衛詩雅對產品非常有信心。

對於生日願望，正為新戲開工的Michelle希望拍攝順利、身體健康及世界和平，可有計劃生BB？Michelle回應：「我覺得做父母需要考牌，都有問自己，咁大責任，可唔可以教育一個人仔？我就未有資格，做媽媽太難，同埋而家我哋兩個生活好正，如果有小朋友，想去旅行都要諗過。」Michelle指老公對生育持開放態度，只在乎她的感受，兼且雙方家長都沒有給予壓力，即使領養也可以。

衛詩雅

同樣性感登場的陳凱琳，透露早前趁有三天假期，帶六歲大仔飛往三亞旅行，老公鄭嘉穎則留在香港照顧兩個細仔，Grace說：「開學前爸爸帶咗大仔去新加坡玩，今次就輪到我，大仔鍾意食，好easy going，好聽話唔難湊。」在三亞的最後一晚，兩母子躺在酒店牀上傾心事，剛升讀小一的大仔，自揭仍想繼續留在傳統學校讀書，並表示很喜歡中文科的鄭老師，Grace笑道：「阿仔有爸爸同老師兩個鄭Sir，老師知道佢從小講英文多，所以鼓勵佢可以試吓用中文發問。」大仔嘗試後即獲讚賞，他亦看到自己中文有進步，加上認識到不少新朋友仔，覺得在這間學校讀書很開心。

Xeomin® 品牌大使陳凱琳十分信賴德國製造的Xeomin®️零雜質_純淨+配方。

問到兩位弟弟有否投訴媽咪「大細超」？Grace自言相當公平，已跟兩個細仔約定明年由爸爸鄭嘉穎帶他們一起旅行，Grace大讚老公：「佢係好親力親為嘅爸爸，我好感恩身邊有個咁錫小朋友嘅爸爸，呢段時間小朋友好需要家長陪伴，我就轉咗型，喺屋企都可以拍到視頻，多咗好多時間陪佢哋。」Grace 變身KOL相當成功，有沒有考慮與嘉穎以夫妻檔上陣？她說：「佢唔得，做戲對佢嚟講最有滿足感，所以我唔會逼佢做唔鍾意嘅嘢，佢亦好支持我嘅工作。」

陳凱琳