曾因外界評語駁長髮 陳嘉桓以內心美打破容貌焦慮症

陳嘉桓認為有冇焦慮主要是自己內心夠唔夠強大，多啲自信心，日常改變飲食、作息時間，慢慢改變發自內心的美。

陳嘉桓（Rose）自與舊經理人公司16長約結束後，工作量反而激增，並當上國際身心靈發展協會創會副主席，及國際皮紋學總會副會長，最近亦擔任香港海洋清潔大使。Rose現立志於社群服務，如幫低收入和單親家庭，從皮紋分析去了解小朋友的性格，讓父母精準掌握孩子的強弱發展。

近日，Rose以露肩貼身紅裙亮麗打扮，現身力撐好友楊懿珈（Arielle）創立的JuveMedico珈德醫療。年紀輕輕已入行的Rose，自小有到美容院扮靚靚，至近年才開始接觸醫學美容。已30+輕熟女的她說：「始終年齡層唔同咗，需要做嘅項目都有唔同，同埋依家嘅醫美愈嚟愈進步，及比較普及化，大家都大膽分享自己做咗啲乜嘢項目。」

Rose現身力撐好友楊懿珈創立的JuveMedico珈德醫療。

Rose現身力撐好友楊懿珈創立的JuveMedico珈德醫療。

Rose指都市人比較急，做普通療程可能需做多次才見成效，她現在不時有突發性工作或教班，都要保持最佳狀態，在接觸過比較高端的儀器後，發現確在不停進步中。「比起以前冇咁痛，做一次就比以前Keep嘅時間比較，好似我今日試咗Sofwave 3D超聲波機，又唔使敷麻醉藥，直接打上去，體驗咗眼同眉骨附近好明顯提升咗，做完冇紅腫又唔使時間恢復。」

又試做儀器。

Rose提及經歷疫情後，很多人在脫掉口罩後產生的「容貌焦慮症」，她自爆曾經都試過：「前經理人公司曾經畀唔同意見、評語，覺得我長髮適合唔同類型工作多啲，我就好想用返原本嘅短髮，但為咗工作要駁長髮。」直至去年踏入30歲，Rose覺得不應受外界的評語影響，於是保持著自己的短髮一段時間。她說：「有冇焦慮主要是自己內心夠唔夠強大，多啲自信心，日常改變飲食、作息時間，慢慢改變發自內心的美。」

Rose坦言曾產生「容貌焦慮症」。

就近日頻有不安全的美容中心發生不愉快事件，Rose提醒選擇國際認可的專業醫療團隊會放心得多，正如她參與好友Arielle的醫療活動，保養外在美之餘，那裏還有珠寶、插花、品香及她的皮紋分析，發掘更多內在美的交流。Rose認為：「在追求美麗的過程中，我們亦不能忽視內在的健康與平衡，變得好看並非只追求完美的外表，亦要擁有獨一無二的內在美」。

Rose認為變得好看並非只追求完美的外表，亦要擁有獨一無二的內在美。

JuveMedico創始人Arielle楊懿珈女士自2017年投身於醫療大健康行業，擁有多年豐富經驗，對醫美抗老科技有廣泛認識。憑藉過去從事十年珠寶工作的珍貴經驗和專業知識，Arielle擁有極高的審美眼光，對美容行業飽含熱愛，認為「美麗是終身事業，唯有堅持和用心，才能發光發亮」，從而決心創立JuveMedico，助力香港優才圈譜寫健康美麗人生。

JuveMedico創始人Arielle楊懿珈

身兼女團Beanies成員及獨立歌手身份的陳樂頤(阿左)，為今年首支個人單曲《今夜無人入睡》接受雷霆881商業一台《星光背後》專訪。阿左2023年因Beanies出道，誰料五女橫掃新人獎後，今年6月兩成員潘釗彤(Chiutung)及黃健怡(Winky)突然解約離隊，令阿左兩年來，先後經歷妹妹自殺及隊友情不再的打擊。節目中，阿左坦承今年情緒爆煲曾受失眠困擾，她親自作曲的《今夜無人入睡》，正記錄她由情緒低谷到求助治療師重新振作的經歷。阿左希望此曲鼓勵受情緒困擾的同路人外，亦希望與未走出妹妹自殺陰霾的母親溝通，原來經歷家庭巨變後，阿左因誤會與家人曾鬧大交，至今與母親仍未能冰釋前嫌，她哽咽說：「媽咪心結未解開，我係等緊佢……」

女團Beanies成員陳樂頤（阿左）哽咽分享今年推出個人單曲《今夜無人入睡》的背後深意，歌曲不只記錄她因情緒困擾失眠、求助治療師的歷程，更是她欲與母親溝通的橋樑。

阿左去年經歷同母異父妹妹自殺的家變，其後受訪披露事件卻引發家庭衝突。她坦言與母親關係至今未復，「媽咪心結未解開，我係等緊佢。」

Beanies初代五成員均來自「陳輝陽X女聲合唱」團體，現年27歲的阿左，出道前更因參加《全民造星3》殺入30強而為人認識。阿左坦言Beanies出道前與Winky感情最好，「因為我同Winky都係唱女高音，會一齊錄音。對我，Beanies最開心階段唔係攞獎，係頭嗰年五個人好熱血去宣傳，係好齊心！」阿左指退團事件爆出前，她已察覺異樣並與成員們私下溝通，「我話聞唔到味就呃你，佢哋對合約同經理人團隊有意見，但因為合約好個人，我哋三個就最難介入。係好可惜，因為Beanies係五個人嘅事，五個人唱歌同三個人唱，味道都好唔同。」兩姊妹退團後，阿左沒想過仍能與張天穎(Jaime)及李凱翹(Kay)繼續做三人Beanies，現在她與Jaime及Kay溝通多了，反而兩前隊友就變得生疏，「係生疏咗，但我會Say Hi無尷尬，不過之前叱咤記者會真係唔好意思，因為我無戴眼鏡，睇唔到佢哋Say Hi，下次再見，我一定Say Hi。」至於會否感覺少了兩個朋友，她說：「唔係少咗，係On Hold，人生流流長，會換過方式再見。」

節目中，她亦談及隊友離團後與張天穎、李凱翹的三人新階段，並向前隊友隔空喊話：「人生流流長，會換過方式再見。」

現身兼演唱會和音的阿左，唱功與彈琴同樣了得，她坦言自細受任職音樂教師的母親栽培，她形容母親性格與自己同樣剛烈，母親於18歲時誕下她，多年後嫁給現任丈夫亦育有一對子女。雖然阿左與外公外婆同住，但亦與後父一家感情要好，故去年初比她年輕十二的歲的同母異父妹妹突然墮樓身亡，她也是最近靠治療師才慢慢走出陰霾。不過，自去年10月她接受傳媒專訪披露家庭巨變後，亦令她與母親產生磨擦，至今仍未冰釋前嫌，阿左說：「我每次講我嘅經歷，同樣會撩起佢哋嘅痛，上星期爸爸先打電話畀我，亦擔心我係咪賣慘博同情，我係好多謝爸爸而家可以好冷靜好理性同我分析。最初我做咗第一個訪問，全家都好大反應，鬧咗場大交，佢哋直情用失望嚟形容我，而家爸爸狀態好咗，會聽我講，但媽咪心結未解開，我係等緊佢(哽咽)……我想喊添…..而家我已經過度咗，治療師問我有無嬲，有乜好嬲？但我會尷尬，知道媽咪對我好多不滿，希望時間過去會明白我多啲。」

阿左明白由細到大媽咪對她的痛錫，但礙於中國人保守，一聲「多謝」或「我愛你」都未曾宣之於口，她說：「好想同媽咪溝通，經歷呢件事，我先知死亡係我哋處理唔到嘅問題，其他問題都唔係問題。我好感謝媽咪，我今日有嘅音樂修為全因為佢，佢18歲生我嗰時，真係好努力返工，供我讀書同學音樂，畀我都做唔到。」作為情緒問題康復過來人，阿左明白時間同尋求協助的必需，她正等待時機，與至親坦承溝通，助母親走出陰霾。

今日(12月13日)，下午二時至三時於雷霆881商業一台播放的《星光背後》，主持人梁泰來邀得陳樂頤 (阿左) @Beanies任嘉賓。