鄧小巧在情人節推出她今年首支派台作品、送上最諷刺的祝福，祝天下間的前度與現任《白髮齊眉》。
《白髮齊眉》由馮穎琪作曲、鄧小巧填詞，歌曲講述祝福前度跟他／她的現任，祝福他們白髮齊眉、永結同心，不過一半發自內心，另一半是暗自心酸的一個祝福。小巧透露填詞靈感是來自身邊的朋友，「好多二十零歲結婚嘅朋友去到三十零歲，開始陸陸續續離婚，跟住又會開始陸續去傾到前度嘅話題，例如前度、或者前度結咗婚、又或者唔一定係結咗婚，就算係一啲普通分咗手嘅前度，踏入佢哋三十幾歲，佢哋開始結婚嘅一啲對話，好似內心都有少少唔係咁順意、或者內心都唔係有咁真心嘅祝福佢哋嘅前度。」
點擊看圖輯
歌曲講述祝福前度跟對方的現任，白髮齊眉、永結同心，不過一半發自內心，另一半是暗自心酸的一個祝福。
鄧小巧在情人節推出今年首支派台作品《白髮齊眉》。
小巧透露《白髮齊眉》填詞靈感是來自身邊的朋友。
歌曲講述祝福前度跟對方的現任，白髮齊眉、永結同心，不過一半發自內心，另一半是暗自心酸的一個祝福。
小巧表示這首歌是她出道以來錄音時間最短的一首歌曲，「亦都覺得係好暢快嘅一次，我諗由開始到錄完 ，講緊嘅係個零鐘，total錄咗兩次，所以其實都係幾順利。反而係首歌係一早就寫好，講緊嘅係一八年年尾定一九年，Vicky已經寫好咗，但當時因為種種嘅原因，都冇將首歌收錄落嚟。」
觀看相關影片按連結：https://youtu.be/Yw96FVcIMvg?si=Y9UkyJCl3E9MDIvV
今日（2月14日）情人節，問到小巧如何跟老公白先生渡過，她坦言毫無準備，「我嘅情人節就好似普通日子咁樣過，真㗎！因為我唔鍾意過情人節，哈哈。因爲真係開心每日都係情人節。」
小巧坦言情人節毫無準備。
小巧與老公白先生。
鄧小巧指新歌《討好式戀愛》歌名來自網絡搜尋，歌詞靈感則來自朋友或自身有過的經歷。
今日5月20日，「520」是網絡情人情，鄧小巧於這個特別的日子推出虐心情歌《討好式戀愛》，歌曲小巧好友由江海迦（AGA）作曲。去年年中，小巧跟AGA茶敍兼邀歌，茶聚過後，AGA便開始做功課，「佢返去再聽多咗我以前嘅歌、聽我聲線嘅運用，然後又再喺《Singaholic》嗰度聽咗我好多嘅翻唱歌，發現原來我會揀某啲歌嚟翻唱，佢覺得我對某一啲歌係有喜好，再根據對我聲音嘅理解，然後就寫咗個Melody。」
鄧小巧在520推出虐心情歌《討好式戀愛》。
小巧透露，其實歌曲早於半年前已寫好，不過當中發生了小插曲，「佢寫好咗大半嘅時候，個電腦死咗跟住又有演唱會，一路都未整好部電腦，一路都收唔到佢首歌，直到大概上年尾、今年一月收到佢嘅demo，佢send咗一半俾我聽，佢話：『你睇吓呢個版本你鍾唔鍾意啦？』我聽到之後，嘩！冇理由會唔鍾意！一聽就已經覺得太好聽啦！AGA真係寫得太好啦！」隨後便跟同公司商量，無論如何都會要這首歌。
觀看相關影片按連結：https://youtu.be/uaECuDuiKpw?si=DoY7bv7GqDpuLjbW
歌詞方面則由小巧操刀，一開始的時候，她跟AGA表示想寫一首關於「有多相愛便會有多傷害」的歌，「兩者係一個共同嘅存在。收到呢首歌嘅時候，我得係有一種小小病態嘅優雅，無論點都要保持一種微笑，就算流緊血都要保持微笑嘅一種狀態，所以我就寫咗呢首叫《討好式戀愛》。」小巧坦言歌名來自網絡搜尋，歌詞靈感則來自朋友或自身有過的經歷，「當你喺一個比較脆弱、比較自我價值低嘅時候，通常戀愛模式都係一個討好式戀愛嘅模式，於是就啟發咗我去寫呢一首歌。」
新歌歌詞由小巧操刀。
小巧強調，這首歌完全沒有「忠告」的意味，「我並冇叫人離開或者唔離開，你知道你係討好緊呢一個人，屈就自己嚟就住呢一個人嘅狀態。其實你最後幾時先會move on、會唔會move on，喺你呢一個moment係唔緊要，因為有時候戀愛係一個歷程，有時可能你要經歷過一啲嘅苦戀先至可以得到一啲嘅正果，我覺得你知道就得啦。」
小巧強調新歌完全沒有「忠告」的意味。
歌曲監製找來舒老闆舒文，亦是二人的首次合作。小巧謂早早已聽聞一些舒文的傳聞，她笑說：「即係一隻字會唱幾多百次、同一個位唱唱唱，唱到懷疑自己已經唔識唱歌等等，哈哈。」所以一開始找舒文監製時，小巧十分忐忑，「會諗如果自信被擊敗會係點樣？自己成唔承受到呢？」錄音過後，小巧坦言這個決定做得太好，「因為舒老闆係對聲音、對咬字好理解好清晰，佢亦都對成首歌邊一啲字、點樣去用力、點樣去用感情，俾好多好實在嘅指導。雖然嗰個過程要做好多好多次，但我覺得係一個好好好滿足嘅過程，亦係不斷學習、不斷吸收。」
今次是小巧與舒文首次合作。
MV方面，小巧亦做了很多前期的功夫，因為今次整個MV是一個有故事發展的劇情，她特意找了好友蝦頭上戲劇課，「學下肢體點樣去入戲、分析角色、點樣喺個角色加啲前置，其實係一個學習，對我唱歌都好有用。」MV當中加入了不少小巧的生活日常，可算是為她度身訂造，「譬如我啲生活習慣係會煮嘢俾老公食、我會做陶瓷、打掃衛生，其實導演阿陞係根據我個人本身嘅質地去做咗個角色嘅設定。」
MV當中加入了不少小巧的生活日常。
例如做陶瓷。
