Winky黃健怡笑言認性格像貓般跳脫,可以上一秒好正經地拍攝,但下一秒就在食薯片,還會嚇到工作人員。
新晉唱作女子組合「Beanies」於去年正式出道,雖然沒有大公司backup,但她們都憑實力於2023年度叱咤樂壇流行榜頒獎典禮中獲得「叱咤樂壇生力軍組合金獎」,為她們之後的發展打了一支強心針!繼組合於農曆新年前推出2024年首支全新歌曲《今晚抹掉你》後,成員之一的Winky黃健怡日前就推出首支個人單曲《喵喵厭世學》,並成為今年首位出歌的女新人。
點擊看圖輯
Beanies憑實力於2023年度叱咤樂壇流行榜頒獎典禮中獲得「叱咤樂壇生力軍組合金獎」。
Winky向大家賣關子,指如果要知道貓內心是否真的那麼厭世,就要睇歌詞啦!(本網記者攝)
雖然新可以「貓」做主題,但其實Winky並沒有養貓。
雖然今次錄音和拍MV都沒有Beanies的成員陪伴在身邊,但對Winky來說都沒有太大難道。
Winky在今次MV中還有少少舞步,對於平時比較少跳舞的她來說是一個好大的嘗試!
Winky表示在MV中有盡力跳得好給大家看。(本網記者攝)
Beanies與ILUB將於3月7日在麥花臣場館舉行舉行《ILUBeanies聯校Live》。
Winky推出首支個人單曲《喵喵厭世學》。
本網記者攝
Beanies憑實力於2023年度叱咤樂壇流行榜頒獎典禮中獲得「叱咤樂壇生力軍組合金獎」。
新歌《喵喵厭世學》由Winky自己作曲,並請來Oscar填詞、Justin Yau監製及編曲,Winky指歌曲是由貓的視覺去看這個世界,「咁呢隻貓呢就唔係一啲好嬌嗲嘅貓嚟嘅,反而係一隻比較高冷、厭世嘅一隻貓啦,咁對佢嚟講呢,即使呢個世界係要天冧落嚟咁樣啦,但係佢最緊要就係有嘢食就得啦,咁當然啦呢個厭世呢其實只係一個佢嘅外殼啦。」Winky還向大家賣關子,「如果要知道背後究竟佢內心係咪咁厭世,就可以睇下個歌詞就會知道啦。」
觀看相關影片按連結:https://youtu.be/GYt60z-wVPg?si=V3FpTF5BhOMhbCMB
Winky指新歌是由貓的視覺去看這個世界。
而這隻貓是隻比較高冷、厭世的貓。
Winky向大家賣關子,指如果要知道貓內心是否真的那麼厭世,就要睇歌詞啦!(本網記者攝)
問到為何會選用「貓」來做歌曲的主題?Winky表示:「因為我本身自己都好鍾意貓,但係我自己屋企就冇養貓。咁所以對於我嚟講呢,我對於貓係有好多幻想,所以喺呢個想象嘅空間入面,我就可以嘗試用多啲唔同自己嘅諗法去代入。究竟如果我係嗰隻貓嘅話,究竟佢係一隻點樣嘅貓呢,佢會有呈現啲咩嘅姿態呢?」Winky亦自認性格似貓那樣跳脫,「即係有時又突然間跳到好hyper,有時又會突然間自己靜靜哋坐喺度。」
雖然新可以「貓」做主題,但其實Winky並沒有養貓。
所以Winky對貓有好多幻想有好多幻想。
以往錄音、拍MV都有Beanies的成員陪伴在身邊,問到今次只有自己一個有沒有困難的地方?Winky表示:「我覺得係好唔同嘅個感覺」,因為和Beanies成員在一起時氣氛好熱鬧,每一刻都有不同的事做,但自己一個時,雖然有時行為好跳脫,上一秒好正經地拍攝,下一秒就在食薯片,會嚇到工作人員,但今次拍MV的進度都幾快,「因為一嚟我都唔想耽誤個crew嘅進度啦,始終佢哋即係book咗車啊、各樣嘢......尤其是係想catch個日落,日落之前想完成咁,所以自己拍嘅時候,其實某程度上都會真係一roll機就會好專心想快啲做好嗰件事咁。」
雖然今次錄音和拍MV都沒有Beanies的成員陪伴在身邊,但對Winky來說都沒有太大難道。
只是她像貓一樣跳脫的性格會嚇新工作人員。
提到MV,Winky透露今次有排舞師幫她在chorus的部分排了少少舞步,對於平時比較少跳舞的她來說是一個好大的嘗試,而且最大的挑戰是她在拍MV前兩日才學會這些舞步,「基本上都冇乜時間去執或者去練,其實就直接要去拍囉,咁對我嚟講就係要好快學得識,仲要跳得好,咁我就盡力咁樣做咗畀大家睇啦。」Winky亦透露Beanies的成員都好好,非常支持她,還有問她拍MV時要不要幫手。
Winky在今次MV中還有少少舞步,對於平時比較少跳舞的她來說是一個好大的嘗試!
Winky表示在MV中有盡力跳得好給大家看。(本網記者攝)
Beanies將於3月7日(星期四)在麥花臣場館舉行與ILUB舉行《ILUBeanies聯校Live》,Winky透露已經開綵排,「到時除咗唱歌以外,都會有少少movement嘅東西去畀大家睇到唔同嘅面向。(會是怎樣的movement?)其實就配合返首歌係啲咩歌,咁到時就會知道有啲咩歌,我都覺得有啲歌都幾精彩㗎。」Winky又透露到時她和成員都會演繹自己的Solo歌,亦會合唱,還會和ILUB合作,「所以其實個show係都有好多嘢睇㗎!」
Beanies與ILUB將於3月7日在麥花臣場館舉行舉行《ILUBeanies聯校Live》。
問到對一年目標,Winky表示希望今年可以出三首歌,「同埋都希望,無論係Beanies,同埋自己,我都希望係會有更加多嘅唱live嘅機會啦,有多啲表演機會啦,同埋可以同到唔同嘅單位合作啦,無論係唱歌即係歌手,定係一啲製作人、音樂人,我哋都想有多啲嘅合作機會。」而Beanies之後亦會有新作品,「咁當然依家呢一刻就係好focus做咗個show先!」
Winky目標今年可以出三首歌!
Winky黃健怡:
服裝提供 @aalishk
陳慧敏近期推出新歌《拯救我自己》,並將於5月17及18日假香港藝術中心壽臣劇院舉行兩場音樂會《「趁我們還有____ 」陳慧敏個人音樂會2024》。
歌手陳慧敏(慧敏哥)近期推出新歌《拯救我自己》,並將於5月17及18日假香港藝術中心壽臣劇院舉行兩場音樂會《「趁我們還有____ 」陳慧敏個人音樂會2024》,她表示自己已經好多年沒有推出過情歌,再上一次可能已經洗八九年前,新歌再次邀得林夕填詞,她稱是全部被點中,因為自己一直在逃避這個話題,而她錄音時剛跟前度分手,搞到要喊住唱。
舉行兩場音樂會《「趁我們還有____ 」陳慧敏個人音樂會2024》
相關影片可以按以下畫面觀看:
影片連結: www.youtube.com/embed/Eft0puf-XuY
她直言歌詞中有好多發洩的句子宣洩自己的情緒,但錄音入邊卻不是如此,「原因係我經歷咗一啲消化和沉澱之後,你會發現個啲好嬲對方、受傷害、被虐待的情緒,原來係出於自願嘅,係我自己願意俾佢咁樣對待我自己,先會有呢個結果!」這也是歌曲《拯救我自己》的核心,自己與自己的溝通和反省,才可能覺醒。在錄製期間,正處失戀的她也被記錄下多種情緒,但亦因為受情緒影響基本上都是一take過完成歌曲。
她直言歌詞中有好多發洩的句子宣洩自己的情緒
在錄製期間,正處失戀的她也被記錄下多種情緒,但亦因為受情緒影響基本上都是一take過完成歌曲
慧敏哥這次演唱會主題《趁我們還有___ 2024》玩填充,她表示因為在疫情之後她發現身邊的人在言談中經常會提及自己失去了什麼,瀰漫著不太開心的情緒,但嘗試翻轉嚟思考,來想想我們還擁有什麼,所以希望入場的所有人都可以搵到自己內心的答案。
慧敏哥這次演唱會主題《趁我們還有___ 2024》玩填充
希望入場的所有人都可以搵到自己內心的答案。
時隔7年開個人show是她成立個人工作室後首辦的演唱會,很多大小事都要自己溝通。雖然壓力大,但亦是學習的良機,她透露這次學習到團隊的重要性,「你點樣對團隊負責任,團隊先會願意同你一齊行。」她表示這個show重點不是在答案上,重點是我們一起搵,讓我們可以一起面對。今次她首度邀請樂隊The Hertz任音樂總監,「佢哋係好有想法嘅樂隊,我好期待。」
時隔7年開個人show是她成立個人工作室後首辦的演唱會,很多大小事都要自己溝通
雖然壓力大,但亦是學習的良機,她透露這次學習到團隊的重要性
為了這個show慧敏哥是相當用心,她亦劇透在入場前會有一些問題卡片抽取,舞台與觀眾的效果其實是一齊的,不是完全分開,會有一些互動的形式。不過更希望觀眾可以帶著小小疑問或一個平靜的心態去觀看,期望可以在演唱會中搵到一個全新的方向與想法。
為了這個show慧敏哥是相當用心做了充足的準備!
Credit- hair
Aveda il Colpo : Kin