林夏薇為《逆天奇案2》數秒瑜伽鏡頭做足準備 每日狂操練出腹肌

薇薇超Fit！

林夏薇（薇薇）剛剛完成重頭劇《黑色月光》拍劇後，隨即又要跟陳展鵬為主演新劇《逆天奇案2》宣傳，認真忙過不停，她近日在社交平台分享在《逆天奇案2》一幕瑜伽鏡頭拍攝的感受，透露為了該鏡頭，事前每日狂操，可見她十分專業。

動作熟練

為數秒瑜伽鏡頭努力

派心

線條靚

大騷纖腰

練出腹肌

《逆天奇案2》劇情交代Wing（林夏薇飾）與森Sir（陳展鵬飾）分手後各自過充實生活。林夏薇於劇中有一幕做瑜伽的鏡頭，拍攝期間她更以瑜伽造型上陣，大騷纖腰及爆Fit身材。雖然這幕戲只有短短數秒，但她薇薇憶述，為了拍這幕草地瑜伽戲，她每日收工至少要狂練半小時腹肌。

不時分享靚相

Fit爆身材

經常晒纖腰

「視後」

派福利

她於iG分享：「大家有冇睇《逆天奇案2》🤣🤣今晚嗰集講阿Wing分手後獨自美麗，喺戶外草地做瑜伽，記得當時拍呢場戲嘅時候正正是夕陽下，眼前景色真係好靚❤️雖然場戲得短短幾個鏡頭，但係諗返起當時撞正自己生日食好多生日蛋糕，但為咗呢個鏡頭要操fit啲，特別為咗條馬甲線，每日收工，半夜返嚟都要狂練至少半個鐘以上，諗起都腹肌痛～ #逆天奇案2 #馬穎思」。撰文一出，有不少網民留言大讚，更大不少網民大讚她身材Fit到漏，認真犀利。

劉佩玥獻出人生爆樽初體驗！

由劉家豪總監製、陳志江監製、岑國榮、孫浩浩擔任編審的《逆天奇案2》，本周一至周五晚八點半翡翠台播映結局篇。昨晚（8日）劇情繼續峰迴路轉， Big Boss之一的冠峰（方力申飾）被阿Wing（林夏薇飾）的善良溶化，不惜為救流浪狗小白墮崖，違反了自己一直推崇的「物競天擇」規條，冠峰更對着小白剖白：「我輸咗畀基因，小白我想做個普通人，想去愛一個人，我可以點做呀？」之後冠峰被一名路過的老村民所救，逃出生天後即急急借電話發訊息剎停恐襲，並以Perses身份發聲明指不會再攻擊香港，似乎想改邪歸正！

小方改邪歸正。

獲救後即刻剎停恐襲行動。

小方以Perses身份發聲明，宣布停止再襲擊香港。

另邊廂，Big Boss張頴康趁亂逃獄。

逆天長腿氹玩「剝衫大話骰」
另邊廂，Big Boss魏子樂（張頴康飾）在精神病院被其他院友襲擊導致受傷，坐白車送院期間發生交通意外，瘋癲的子樂趁機逃走，偷偷前往尋找與太太尤麗撞樣的悠倩（劉佩玥Moon飾），並把悠倩帶到地下密室「禁錮」。昨晚最搶焦場口，非身材高挑的Moon大晒逆天長腿莫屬！劇情講到身為爛賭婆的悠倩又在賭桌上輸清光，之後被疊碼仔 Jimmy（袁鎮業飾）催還債，眼見悠倩冇錢還，Jimmy打算「抽水」當收息，機智的悠倩見情況不妙，出動逆天長腿搭在Jimmy身上並氹他玩「剝衫大話骰」，後來悠倩趁Jimmy去洗手間時企圖逃走，豈料被Jimmy識破，悠倩危急下拿着酒瓶扑暈Jimmy才成功甩身。

張頴康仲好醒咁去咗搵劉佩玥。

張頴康將劉佩玥「禁錮」，二人全程互動相當搞笑。

劉佩玥大晒42吋逆天長腿。

超簡單！靠兩招保養招牌白滑長腿
TVB官方社交平台釋出相關場口花絮片，原來今次是Moon人生爆樽初體驗，Moon與袁鎮業睇Playback時興奮得大嗌：「睇吓，爆得幾靚，都話咗一次搞掂啦！」袁鎮業同樣是首次畀人爆樽，他笑言：「都幾爽嘅，感覺好似頂頭鎚咁！」Moon還搞笑地分享爆樽心得：「打嘅時候唔好用個底打落去，同埋要有信心、唔好驚，最緊要被打嗰個唔係我！」42吋白滑長腿備受關注的Moon，曾大方分享保養美腿心得，她認為多做運動和多喝水有助保持雙腳處於最佳狀態。

相關影片可以按以下畫面觀看：

影片連結：

劉佩玥仲玩埋剝衫大話骰同爆樽！

劉佩玥同袁鎮業都係第一次爆樽同畀人爆樽。

劉佩玥同袁鎮業都係第一次爆樽同畀人爆樽。