為梁浸浸搞Kuromi生日會賀9歲生日 鄭希怡孖老公「左右夾擊」送吻

梁浸浸9歲啦！

42歲的鄭希怡（Yumiko）於2014年與任職化妝師的梁學儲結婚，翌年誕下囡囡「梁浸浸」梁子柔（Avery），一家三口生活幸福美滿。鄭希怡近年主力在內地工作，並舉家移居到上海生活，梁浸浸入讀當地貴族學上海耀中國際學校小學部，與陳小春及應采兒的囝囝Jasper、吳尊子女等做同學。近日梁浸浸9歲生日，鄭希怡與老公為囡囡舉行生日會，與梁浸浸青梅竹馬的陳真及媽媽黃依汶都有出席。

鄭希怡一家三口。

一家三口感情非常好。

梁浸浸從小就好可愛。

又遺傳了媽媽鬼馬的性格！

與黃依汶及陳國坤的囝囝陳真青梅竹馬。

鄭希怡一家近日回港過復活節，並為囡囡梁浸浸舉行9歲生日會，鄭希怡在IG分享生日會的照片和影片，並留言：「Avery Happy 9」。可見生日會以壽星女最喜歡的卡通「Kuromi」做主題，除了有Kuromi蛋糕，梁浸浸都穿上Kuromi Tee，頭上又夾着一個Kuromi髮夾，樣子與小時候相差無幾，但多了份少女味。在切蛋糕環節，老友陳真與其他小朋友一同大聲為壽星女唱生日歌，但梁浸浸就忙於同身邊的好友傾偈。

鄭希怡和老公日前為梁浸浸舉行9歲生日會。

梁浸浸掛住同朋友傾計。

鄭希怡又貼出與老公「左右夾擊」肉緊錫錫梁浸浸的照片，並留言：「浸姐 生日快樂！被爸爸媽媽的愛夾擊，希望你無憂無慮，快樂成長。」雖然梁浸浸似乎不太受落，又擘大口大叫，但依然相當可愛！

鄭希怡又貼出與老公「左右夾擊」錫錫梁浸浸的照片。

梁浸浸似乎不太受落。

Yumiko以廣東話、普通話、上海話表達成長過程。

鄭希怡（Yumiko）接受新城《QK玉瑛室》節目主持譚玉瑛（阿譚）、何基佑及麥皓兒錄音訪問，訪問將於9月10日播放。久未在港公開露面的Yumiko，來到電台十分開心，並在電台走了一圈跟大家打招呼，新城知訊台台長程凱欣更親自歡迎Yumiko及合照。

鄭希怡（Yumiko）現身新城《QK玉瑛室》節目宣傳新歌。

Yumiko在《QK玉瑛室》節目上大談近況，並宣傳下周推出的新歌《Lady King》，原名「鄭列瓊」的Yumiko表示：「首歌係講我自己『瓊姐』，因為我細個喺慈雲山讀書，所以有個名叫『慈雲山瓊姐』；今次亦都首次挑戰唱rap，用咗廣東話、國語同上海話擺喺入面，3個語言都代表我成長嘅一部份。」

Yumiko在疫情期間與老公梁學儲（Andy）及女兒「梁浸浸」舉家移居上海，至最近正式回流返港，她表示：「我哋喺上海住咗3年，因為疫情期間咁啱喺內地拍綜藝節目《乘風破浪的姐姐》，之後有其他工作同拍戲，返香港又要隔離，我父母一直住喺上海，佢哋就話不如留喺上海，我同老公傾咗之後，佢就帶埋阿女過嚟，一家人一定要一齊。」

Yumiko久未在港公開露面。

女兒梁浸浸今年9歲，近日已正式開學，問囡囡返港讀書是否要重新適應？Yumiko表示：「佢喺上海讀書可以揀繁體定簡體字，我幫佢揀繁體字，所以返咗香港讀書唔使咁辛苦。」Yumiko又言十分享受做媽媽及照顧女兒，同時希望陪伴女兒經歷不同階段，問梁浸浸是否像其他少女般貪靚？Yumiko表示：「佢好唔鍾意扮靚，買裙畀佢都唔著，寧願著T恤短褲，佢對靚未有概念，不過佢好獨立，好有自己諗法，幾似我同老公。」

Yumiko又提到當初和老公並沒想過結婚，卻在2012年接受Andy求婚，「嗰年我哋去咗泰國畀個生日驚喜朋友，嗰個朋友係應采兒，我同佢企喺泳池邊影相，兩個一齊向後跌咗落後面嘅樹林，應采兒掛咗喺樹，我就喺3樓跌落兩嚿大石中間，康復期間仲戴住頸箍，行路又唔方便，喺我最醜樣時，佢就同我求婚，當刻我覺得呢個男人唔錯，其實我有咩事或傷殘佢可以走，但佢選擇婚姻，咁既然佢願意試，我都願意試。」

Yumiko新歌爆讀書時期霸氣叫「慈雲山瓊姐」！

Yumiko首次挑戰Rap以廣東話、普通話、上海話表達成長過程。

詳細節目內容，請留意9月10日，3-4時，新城知訊台《QK玉瑛室》節目，網址：https://www.metroradio.com.hk/MetroInfo/