芷珊靠一招贏受訪者信心,盡訴超Deep心中情!
由金牌主持人黎芷珊主持的全新節目《澳娛綜合呈獻:芷珊約您》將於4月21日推出,逢星期日晚上9點半翡翠台播映。芷珊自2012年起連續兩年的訪談節目《最佳男主角》、《最佳女主角》均成為焦點代表作,並憑《最佳男主角》在《萬千星輝頒獎典禮2012》中勇奪「最佳節目主持」。除了「男女主角」系列,芷珊之後主持的《單對單》及《童你一起長大了》播出期間一樣叫好叫座。
點擊看圖輯
黎芷珊主持的全新節目《澳娛綜合呈獻:芷珊約您》將於4月21日推出
喺Limo(豪華轎車)上面,軒公仲斟埋香檳畀芷珊,勁歎!
芷珊跟溫拿走勻澳門巡唱及馬來西亞巡唱宣傳現場,仲貼地去夜市掃街!
芷珊自爆因為私心想飛,所以構思咗《芷珊約您》出嚟!
黎芷珊主持的全新節目《澳娛綜合呈獻:芷珊約您》將於4月21日推出
為了精益求精及為觀眾帶來全新面貌的訪談節目,芷珊今次破天荒推出紀錄式訪談節目《芷珊約您》,碌盡人情卡廣邀在樂壇舉足輕重的7位代表人物,張敬軒、楊千嬅、王嘉爾、溫拿、草蜢、許志安及陳慧琳,並跟著他們先後走訪紐約、上海、澳門、馬來西亞、高雄、及廣州等不同地方,以跟拍形式貼身直擊7大歌手/組合舉行世界巡迴演唱會時台上台下的珍貴點滴,與7大單位嘉賓一起「唱」遊世界、暢談人生的同時,亦讓觀眾可360度對訪談嘉賓有更深入的認識和了解;當中千嬅和安仔更會百分百坦蕩蕩分享之前遇到事業低谷時的真實感受、及如何克服逆境,有血有汗有洋蔥!早前無綫官方社交網陸續釋出7大單位嘉賓的精彩預告片,在許志安的一集,他首度剖白2019年經歷低潮期後的衝擊,並坦言是「一世的傷疤」,甚至因此對歌唱事業失去期望。此外,片段見芷珊除了緊貼各組嘉賓深入舞台不同角落,還會由綵排一直貼身跟拍至上台,為大家揭秘7組嘉賓臨上台表演前最真實一面;芷珊與嘉賓的訪談地點亦不會局限於餐廳或室內,其中張敬軒一集,芷珊便與軒仔坐在紐約的Limo(豪華轎車)上閒話家常,仲要大歎香檳,勁Chill!
來自香港嘅王嘉爾紅遍國際,芷珊都變成小粉絲!
王嘉爾同一班工作朋友selfie,完全零架子。
芷珊遠赴紐約訪問張敬軒(軒公)。
芷珊遠赴紐約訪問張敬軒(軒公)。
喺Limo(豪華轎車)上面,軒公仲斟埋香檳畀芷珊,勁歎!
軒公見到啲咩呢?
軒公於紐約舉行巡迴演唱會。
蔡一傑
蔡一智
蘇志威去高雄開騷,劉小慧做「跟得老婆」。
許志安到澳門開騷。
許志安與芷珊在節目中盡訴心中情。
芷珊去咗廣州欣賞陳慧琳(Kelly)演唱會。
Kelly大派利是,好開心呀!
芷珊同Kelly撐枱腳談心。
楊千嬅上海開騷。
千嬅乜都肯講,盡顯真性情。
芷珊跟溫拿走勻澳門巡唱及馬來西亞巡唱宣傳現場,仲貼地去夜市掃街!
鍾鎮濤
譚詠麟
陳友
彭健新
葉智強
親自構思節目碌盡人情卡其實為「自肥」?
《芷珊約您》早於去年年初已開始籌備,芷珊受訪時透露節目構思起點源於疫情過後、自己私心想出國旅遊順道拍攝節目,難怪芷珊亦笑指是「自肥」之作:「以往做開嘅訪談節目多數坐定定,但係依家觀眾要求愈嚟愈高,多啲畫面會更加吸引,所以就諗有咩形式嘅訪談節目可以飛去唔同地方呢?加上歌手系列我未做過,所以就諗到需要周圍飛嘅巡迴演唱會。」經過一輪籌備及聯絡工作,節目於去年7月正式開拍,芷珊續指希望透過節目,讓觀眾看到更多歌手們不為人知的一面:「大家只係睇到台上嘅表演,台後其實仲有好多特別嘢,諗都諗唔到會發生嘅,我覺得都幾有趣架!」
芷珊自爆因為私心想飛,所以構思咗《芷珊約您》出嚟!
邀約歌手期間食盡檸檬
談到能夠請到這麼多位樂壇頂級歌手擔任嘉賓,出名在娛圈人脈甚廣的芷珊笑言亦有「食檸檬」時候,原因與「紀錄片」拍攝形式有關:「有啲歌手嚇親,因為全程要跟住,但我就係想有變化,所以最終唔成事。同埋嗰陣係疫情尾聲,有啲歌手仲會戴口罩,同埋除咗開騷其餘時間都留喺酒店,比較難配合拍攝。」加上每位歌手檔期不同,演唱會後台又多「神秘禁地」,洽談過程絕對是一大挑戰,芷珊說:「雖然台後好多嘢拍,但有啲嘢唔穿得,要一路同嘉賓嗰邊傾。」
芷珊寓工作於旅遊,周圍打卡影靚相。
親授當金牌主持技巧
芷珊又揚言節目「咩都有得睇」,訪談內容除圍繞事業、家庭、私人生活,還會探討社會話題。談到為何能贏得如此多藝人信任,芷珊笑指除了事前要花功夫做功課,對受訪者有深入及清晰的了解外,還必須與對方事前有充分溝通:「我訪問前會再同佢哋傾吓偈先,畀佢哋知我嘅方向係點、希望件事出嚟係點,等佢哋有信心,就會好放心、好坦白咁同我盡訴心中情。」
由黎芷珊主持的《芷珊約您》昨晚(5月19日)播出第五集的嘉賓是許志安(安仔),芷珊除了直擊他去年12月底於澳門舉行的巡迴演唱會,還與他促膝長談進行深度專訪,內容真摰感人。
許志安、黎芷珊
2019年經歷人生低潮的安仔,曾一度短暫退出演藝圈,直到2022年9月舉行網上音樂復出樂壇,而去年舉辦多地巡唱,相隔七年再次舉行個人演唱會。出道約38年的安仔,在樂壇歷盡高低起跌,承認心態上有很大的轉變,以前較在意舞台機械及效果,現在一切猶如回到最初,站在只容納3千名觀眾的舞台,反而唱得更有信心:「依家個台有幾細我都唔怕,總之一響聲,我就有信心唱得最好。」
昨晚第五集嘉賓係安仔。
昨晚第五集嘉賓係安仔。
公演當日,安仔獲三十多名親戚現身支持,他指以往僅於農曆新年才齊人聚首一堂,難怪安仔零舍感觸,一落台即攬住芷珊流下男兒淚:「今次有種無形壓力,對我嚟講係意義重大嘅一日,屋企人好耐冇睇我上台唱歌。呢年嘅演唱會最冇嘢,但我對嚟講內心係最震撼,好珍惜喺台上面每一首仲有機會唱嘅歌。」續透露人生第一次在紅館開騷,一度緊張至呼吸有困難。
公演日
安仔獲三十幾位親戚嚟到會場睇騷支持。
安仔獲三十幾位親戚嚟到會場睇騷支持。
安仔落台後攬住芷珊感觸落淚!
安仔落台後攬住芷珊感觸落淚!
安仔在訪問中多次提及「初心」,感受到他對唱歌的熱誠猶如初入行,享受在寧靜環境聽自己唱歌之餘,更重拾對彈鋼琴和結他的樂趣。節目除了記錄安仔綵排和公演的片段,連做健身爆汗的過程都全程直擊,藉此分享獨自做運動讓他鍛鍊到「堅持」。
綵排片段
直擊安仔健身,爆肌又爆汗!
直擊安仔健身,爆肌又爆汗!
直擊安仔健身,爆肌又爆汗!
1986年,安仔參加新秀歌唱大賽後不久,便與天后梅艷芳合唱《將冰山劈開》,他不但向芷珊透露MV並非與梅姐一起拍攝,當年歌曲入圍《勁歌》總選時,表演卻是梅姐與組合草蜢,坦承成為其人生第一個打擊:「可能唔識喺台上表演,嗰時係有唔開心。」
安仔於1986年參加新秀歌唱大賽。
入行冇耐就同梅姐合唱《將冰山劈開》。
入行冇耐就同梅姐合唱《將冰山劈開》。
《勁歌》總選,同梅姐表演嗰個唔係安仔,而係草蜢!
安仔坦言有唔開心,仲係人生第一個打擊。
入行15年後,安仔終在2001年《十大勁歌金曲頒獎典禮》首奪最受歡迎男歌星獎,領獎時激動落淚,並對著台下的鄭秀文發表「廚房愛的宣言」,他透露當時其實早已準備一套華麗戰衣,但因「收錯風」以為自己冇獎攞,最終換回一套舊衫:「記得嗰年係公司同我自己做咗好多嘢,又聽到啲風聲話好似唔係,未到你,嗰時造咗套衫,當下午聽到消息話唔係,不如低調番少少,著番啲舊衫。嗰陣唱咗15年歌,如果唔得冇辦法,再做好啲囉,估唔到就宣布係自己,好意外。」
安仔於2001年首奪最受歡迎男歌星獎。
安仔坦言得獎後曾被勝利蒙蔽自己,因為怕失去,所以經常放大自己:「起晒槓,唔知自己為乜,可能嗰時做到壓力好大。又唔輸得,未得獎反而冇呢種感覺。」壓力持續至二、三年後,「最受歡迎男歌星」不再是許志安,才鬆一口氣過來。
歌迷追隨安仔多年。
歌迷追隨安仔多年。
與安仔相識二十載的芷珊,見證著好友成長,指安仔整個人轉變不少,變得更踏實,直言香港樂壇沒了他會很可惜:「許志安值得一個機會,大家重新認識佢。」此外,每集嘉賓均向芷珊分享一個小秘密,安仔透露他「夾硬」將領養回來的貓咪,生日日期設為8月12日,與安仔生日同日:「第一次帶佢睇醫生,醫生問幾大,我估計三個幾禮拜,推斷8月中,所以夾硬話佢聽8月12日,獸醫都覺得好奇怪你咁清楚,明明係領養!」相當搞笑。
芷珊與安仔相識二十載。
安仔成個人唔同晒!