朱咪咪被型男輪住啜傳紫菜勁好艷福　怕醜妹上身唔敢擘大眼

今集嘉賓陣容有熱播劇《逆天奇案2》演員組成的「逆天奇案2」隊，對戰「朱隊友」隊

特備節目《鄰住買特約：獎門人Hug Hug媽咪感謝祭》周日晚（21日）8點半翡翠台播映，今集主持陣容有「獎門人」曾志偉、「獎老」錢嘉樂、阮兆祥、麥美恩、林秀怡和林正峰。今集嘉賓陣容有熱播劇《逆天奇案2》演員組成的「逆天奇案2」隊，成員包括陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。

Super～

今集節目優惠多多，除有大量感謝祭貨品於晚上9點半節目播出後在網購平台「鄰住買」開售外，觀眾於收看節目期間只要嘟一嘟螢幕上的QR Code，便有機會搶到999.9足金玫瑰花和5.8萬封現金利是！此外，獎門人宣布下一集是本季《獎門人》最後一集，只要掃螢幕上的QR Code並完成指定任務，便有機會贏取下集《獎門人》入場券，總數共200張。

方力申（左起）、張頴康、梁小冰、劉佩玥、陳展鵬、林夏薇、馮盈盈、高鈞賢

陳煒（左起）、梁競徽、郭政鴻、朱咪咪、袁偉豪、范振鋒、張振朗

久未亮相遊戲節目的咪咪姐玩得相當落力，在首個遊戲「開心無敵啜乒乓」中，除獲優待可以慢慢啜，還被展鵬點名對決啜乒乓，咪咪姐輸人唔輸陣豪言：「你夠膽就啜走個波！」她又命令展鵬唔准擘大口，自己再慢慢啜走乒乓波，場面搞笑。「開心無敵傳紫菜」同樣笑爆肚，咪咪姐先被兩大小生袁偉豪和張振朗夾擊傳紫菜，咪咪姐即時怕醜妹上身眼都唔敢擘大！之後獎門人再安排咪咪姐一人VS「逆天2」男子組，《逆天2》總監製劉家豪亦有落場玩埋一份，家豪哥一馬當先捉實咪咪姐傳紫菜，之後四大型男方力申、張頴康、高鈞賢和陳展鵬肉緊捉住咪咪姐輪住啜，引爆全場氣氛！

劉家豪（右2）落力宣傳新劇。

梁小冰

陳煒

劉佩玥

盈盈都好進擊吓。

朱咪咪慢慢啜。

朱咪咪霸氣十足。

小方vs陳煒都好有睇頭。

咪咪姐被袁偉豪同張振朗夾擊。

咪咪姐被袁偉豪同張振朗夾擊。

家豪哥啜埋一份。

咪咪姐被咁多位型男輪住啜。

「開心無敵落大閘」中，展鵬和薇薇組成最強視帝視后組合，兩人玩遊戲時默契十足，除了多番神同步，展鵬還鬼馬地扮「色狼」撲向薇薇；薇薇則跪地、趴地完全零介意，相當玩得。之後「開心無敵私人醒」更成為兩隊隔空罵戰戰場！其中一條題目「講咗畀人掌嘴嘅說話」，煒哥先是寸爆小冰：「收檔啦！」小冰唔執輸反擊：「做極都唔紅呀你！」之後戰火蔓延到盈盈和唯唯身上，盈盈寸爆近年在內地帶貨的唯唯：「你賣嘢全部畀人退貨，零營業額呀！」唯唯不甘視弱「回敬」：「你套套劇擔正但全部仆直冇收視，除咗《逆天2》！」笑爆全場。另一條題目是「講出三級片名稱」，眾人發揮小宇宙創作出多個搞笑啜核戲名，包括「警花警棍有景轟」、「戰車戰神戰銷魂」等，想知道還有甚麼搞笑創作，密切留意周日晚播出的《獎門人Hug Hug媽咪感謝祭》。

小冰同陳煒好有火花。

唯唯（左2）個樣好肉緊。

盈盈激動到企起身。

氣氛好歡樂。

薇薇同展鵬神同步。

展鵬扮色狼。

薇薇玩到瞓地。

經典「紙戒指」求婚重現強攻網友集體回憶！

由劉家豪總監製、陳志江監製、岑國榮、孫浩浩擔任編審的《逆天奇案2》，本周一至周五晚八點半翡翠台播映結局篇。昨晚（6日）一集講到森Sir（陳展鵬飾）被陷害入獄後，阿Wing（林夏薇飾）前往探望；二人經歷過各種患難後，阿Wing終發現原來心底一直都放不低森Sir，她隔着玻璃向森Sir說：「你出返嚟之後，有件好重要嘅事要做，明明我成日叫你『同事』，原來有啲嘢係呃到人，但呃唔到自己，今次呢件事我發現我哋都唔可以冇咗對方，你心入面有我，我心入面都有你。我睇到你條路變得好難行，我好心痛，我想話畀你聽，我好想同你一齊行。」

「國民女友」 薇薇返嚟喇，佢向展鵬求婚！

薇薇同展鵬經歷咗咁多嘢後，終於發現自己其實放唔低展鵬。

薇薇喺展鵬最艱難時期都冇離棄佢不特止，仲調番轉頭向佢求婚，女友力Max！

紙戒指求婚靈感源自陳展鵬親身經歷
之後阿Wing戴上當年森Sir向她求婚的紙指戒，並說：「許浚森，你仲願唔願意娶我呀？我諗咗咁耐，鼓起咁大勇氣先敢向你求婚，你唔係諗住Say No呀嘛？」森Sir即說：「娶，我梗係娶你啦！」最後兩人隔着玻璃做出定情Finger Cross手勢，配以展鵬獻唱的插曲《後悔萬年》做背景音樂，浪漫指數爆標。上輯被封為「國民女友」的薇薇，昨晚一集大晒最強女友力，不單對陷入人生低谷的森Sir不離不棄，更主動向他求婚，絕對是患難見真情。而薇薇戴上紙戒指一幕，則引爆上輯森sir摺紙戒指向阿Wing求婚的浪漫集體回憶！其實紙戒指求婚情節靈感來自展鵬親身經歷，他曾經公開現實中亦是以紙戒指向太太單文柔求婚，相當浪漫。

冧豬指數爆標。

薇薇於笑臉跌出淚水呢個樣無敵！

網友諗番起上輯展鵬用紙戒指求婚一幕。

網友諗番起上輯展鵬用紙戒指求婚一幕。

「麻煩老爺」李龍基出招補鑊　黃智賢蔣祖曼婚事有轉機
另邊廂，Nic Sir（黃智賢飾）和Hazel（蔣祖曼飾）的關係亦有所進展！原本Hazel因Nic Sir爸爸福伯（李龍基飾）要求簽婚前協議書煞停婚事，來到結局篇，知衰的「麻煩老爺」福伯急急出招補鑊，與Nic Sir和Hazel吃飯時，透露睇相時被批印堂發黑將面臨劫數，借意催兩人結婚沖喜，講明不用再簽婚前協議之餘，更賣口乖謂：「我搞個龍捲風出嚟你哋都頂得順，一段感情經得起波折，一定打風都打唔甩！」Hazel聽畢態度明顯軟化，由「以後唔好同我提結婚兩個字」演變成「唔好提結婚住」，看來二人關係柳暗花明。

「麻煩老爺」李龍基出招補鑊。

再向黃智賢同埋蔣祖曼逼婚。

蔣祖曼態度明顯軟化，由「以後唔好同我提結婚兩個字」演變成「唔好提結婚住」，唔怪得黃智賢咁開心啦。