鄧小巧讀書勁唱《紅綠燈》 邀原唱鄭融做嘉賓感榮幸

網上音樂節目《Singaholic》來到第六集，主理人鄧小巧這集找來鄭融任嘉賓。

一開場，小巧便唱出鄭融（Stephanie）的代表作《紅綠燈》歡迎鄭融，小巧表示讀書時期經常唱這首歌，「真係好榮幸可以今日請到呢首歌嘅原唱，因為讀書時期每一次去唱K，一定會有人點，我或者會唱，或者會多過一次嘅，阿融！」

小巧唱出鄭融的代表作《紅綠燈》歡迎鄭融。

小巧指讀書時期每一次去唱K，一定會有人點《紅綠燈》。

觀看相關影片按連結：https://youtu.be/qF-gFDNP2vc?si=f6oaRHTQK8gxOA2o

節目傳統，歌手們都會一邊唱歌、一邊「㗳」番兩杯，不過外表看似野性的鄭融原來是非酒精人士，「睇唔出呢，我唔得㗎。大家想飲酒係因為覺得會放鬆、開心，但我唔會㗎，我會面紅同埋好易頭痛，所以我通常都係mocktail。」但她表示近年食飯都會飲番一、兩杯紅酒，但會放足一晚，「攤長飲，好慢，永遠都會飲剩。」

鄭融外表看似野性，但原來是非酒精人士。

問到醉酒後做過最瘋的事，鄭融尷尬地說：「有一次飲咗少少酒，跟住撞到以前商台蔡冕麗小姐DJ Mini，咁佢紅色頭髮㗎嘛，我就好大聲：『喂！紅頭Min！』哈哈！但係佢未聽過我咁樣稱呼佢，勁唔勁啊！但都已經隔咗好多年，佢都唔介意嘅。其實唔係有啲乜嘢，但係我唔會咁樣稱呼佢。」

鄭融分享醉酒後做過最瘋的事。

就是叫前商台蔡冕麗小姐DJ Mini「紅頭Min」。

就是叫前商台蔡冕麗小姐DJ Mini「紅頭Min」。

講到現今娛樂圈生態，小巧謂現在多了不同身型的藝人，不再是以往千篇一律的纖瘦，鄭融自爆自己的身高已說明一切，「我真係exactly五呎，五呎一都冇。」她又提到早前有朋友問她，如果整容的話想整甚麼，鄭融想也不用想便答道：「『駁高個人囉！哈哈，我又冇乜嘢想整。』係好痛，但係着高踭鞋都好痛，代價好大，好多時候我哋真係開工嗰下先着，一返到後台其實即刻轉拖鞋，嗰個痛係酸同埋麻。」小巧和議，「試過除咗鞋之後，我啲腳趾掂唔到落地，好痛！」鄭融接着說：「我有諗過如果可以嘅話，行落樓梯嘅時候，我真係唔介意我寧願爬！或者可以安排有架輪椅喺後台。」

小巧指現在多了不同身型的藝人。

鄭融自爆自己的身高已說明一切，「我真係exactly五呎，五呎一都冇。」

小巧問如果整容的話想整甚麼？

鄭融直言想增高！

鄧小巧指新歌《討好式戀愛》歌名來自網絡搜尋，歌詞靈感則來自朋友或自身有過的經歷。

今日5月20日，「520」是網絡情人情，鄧小巧於這個特別的日子推出虐心情歌《討好式戀愛》，歌曲小巧好友由江海迦（AGA）作曲。去年年中，小巧跟AGA茶敍兼邀歌，茶聚過後，AGA便開始做功課，「佢返去再聽多咗我以前嘅歌、聽我聲線嘅運用，然後又再喺《Singaholic》嗰度聽咗我好多嘅翻唱歌，發現原來我會揀某啲歌嚟翻唱，佢覺得我對某一啲歌係有喜好，再根據對我聲音嘅理解，然後就寫咗個Melody。」

鄧小巧在520推出虐心情歌《討好式戀愛》。

小巧透露，其實歌曲早於半年前已寫好，不過當中發生了小插曲，「佢寫好咗大半嘅時候，個電腦死咗跟住又有演唱會，一路都未整好部電腦，一路都收唔到佢首歌，直到大概上年尾、今年一月收到佢嘅demo，佢send咗一半俾我聽，佢話：『你睇吓呢個版本你鍾唔鍾意啦？』我聽到之後，嘩！冇理由會唔鍾意！一聽就已經覺得太好聽啦！AGA真係寫得太好啦！」隨後便跟同公司商量，無論如何都會要這首歌。

觀看相關影片按連結：https://youtu.be/uaECuDuiKpw?si=DoY7bv7GqDpuLjbW

歌詞方面則由小巧操刀，一開始的時候，她跟AGA表示想寫一首關於「有多相愛便會有多傷害」的歌，「兩者係一個共同嘅存在。收到呢首歌嘅時候，我得係有一種小小病態嘅優雅，無論點都要保持一種微笑，就算流緊血都要保持微笑嘅一種狀態，所以我就寫咗呢首叫《討好式戀愛》。」小巧坦言歌名來自網絡搜尋，歌詞靈感則來自朋友或自身有過的經歷，「當你喺一個比較脆弱、比較自我價值低嘅時候，通常戀愛模式都係一個討好式戀愛嘅模式，於是就啟發咗我去寫呢一首歌。」

新歌歌詞由小巧操刀。

小巧強調，這首歌完全沒有「忠告」的意味，「我並冇叫人離開或者唔離開，你知道你係討好緊呢一個人，屈就自己嚟就住呢一個人嘅狀態。其實你最後幾時先會move on、會唔會move on，喺你呢一個moment係唔緊要，因為有時候戀愛係一個歷程，有時可能你要經歷過一啲嘅苦戀先至可以得到一啲嘅正果，我覺得你知道就得啦。」

小巧強調新歌完全沒有「忠告」的意味。

歌曲監製找來舒老闆舒文，亦是二人的首次合作。小巧謂早早已聽聞一些舒文的傳聞，她笑說：「即係一隻字會唱幾多百次、同一個位唱唱唱，唱到懷疑自己已經唔識唱歌等等，哈哈。」所以一開始找舒文監製時，小巧十分忐忑，「會諗如果自信被擊敗會係點樣？自己成唔承受到呢？」錄音過後，小巧坦言這個決定做得太好，「因為舒老闆係對聲音、對咬字好理解好清晰，佢亦都對成首歌邊一啲字、點樣去用力、點樣去用感情，俾好多好實在嘅指導。雖然嗰個過程要做好多好多次，但我覺得係一個好好好滿足嘅過程，亦係不斷學習、不斷吸收。」

今次是小巧與舒文首次合作。

MV方面，小巧亦做了很多前期的功夫，因為今次整個MV是一個有故事發展的劇情，她特意找了好友蝦頭上戲劇課，「學下肢體點樣去入戲、分析角色、點樣喺個角色加啲前置，其實係一個學習，對我唱歌都好有用。」MV當中加入了不少小巧的生活日常，可算是為她度身訂造，「譬如我啲生活習慣係會煮嘢俾老公食、我會做陶瓷、打掃衛生，其實導演阿陞係根據我個人本身嘅質地去做咗個角色嘅設定。」

MV當中加入了不少小巧的生活日常。

例如做陶瓷。