朱智賢39歲生日獲驚喜船P慶祝 曹敏寶比堅尼上陣送祝福：電話要被震爆！

藝人朱智賢（Ashley）6月24日迎來39歲生日，其閨蜜曹敏寶特意提前安排了一場海上生日派對，在遊艇上準備了鮮花和波波汽球，為壽星女送上驚喜。兩位靚女更齊齊穿上比堅尼，胸貼胸合照大派福利，畫面養眼又溫馨！

朱智賢IG圖片

朱智賢離開TVB後積極經營社交平台做KOL。

曹敏寶在社交平台發文，提前兩小時為朱智賢送上生日祝福：「朱仔包（朱智賢）仲有兩個半小時就係你生日啦！祝你幸福，每天都被愛包圍。」她更感性表示：「我會一直都在你身邊，就好似你都一樣一直在我身邊，以後就算流眼淚都係幸福的眼淚。」最後更搞笑預告：「希望一陣12:00你嘅電話會被震爆！」可見兩人感情深厚。

海上生日派對

閨蜜情誼深厚

派對上，朱智賢和曹敏寶齊齊穿上比堅尼，在遊艇上享受陽光與海風。曹敏寶更精心準備了鮮花和波波汽球，為朱智賢營造浪漫生日氛圍。兩人胸貼胸的親密合照，展現出好姊妹之間的默契與感情，亦讓網民大飽眼福。

比堅尼上陣大派福利

照片一出，立即引來大批網民留言祝福：「生日快樂！友誼永固！」、「兩位靚女太養眼啦！」、「羨慕咁好嘅姊妹情！」。亦有網民笑指朱智賢保養得宜，完全看不出已39歲，大讚她是「凍齡女神」。

網民祝福：友誼萬歲！

39歲的前港姐朱智賢（Ashley）一向是愛狗之人，愛犬Donut於去年離世，一度令她傷心不已，今年她迎來一隻新狗狗「Taco」。雖然她對愛犬的更都親力親為，但有時都因為工作而需要有人幫手湊狗，所以她長期僱用外傭，早前好幫得手的工人姐姐完約回印尼後，她就請了一位新的工人姐姐，但想不到對方抵港工作一星期就「出事」！

朱智賢17歲的愛犬Donut於去年離世。

今年迎來一隻新狗狗「Taco」。

好幫得手的工人姐姐回印尼後，她就請了一位新的工人姐姐。

朱智賢昨日（12月10日）先在IG Story出現PO，大爆新工人姐姐的「極品」行為，「今日簡直係開拓咗我三觀，工人姐姐問我『依家咩年代呀？唔畀用電話』 我想問香港有邊一個打工仔，喺開工嘅時候可以用電話？然之後再同老闆講以上呢番說話。」

想不到新工人姐姐抵港工作一星期就「出事」！

之後，朱智賢再在「Threads」大呻工人姐姐拒絕工作，不肯帶愛犬落街散步，「工人姐姐嚟咗一個星期，同我講佢好攰唔帶隻狗落街兼且態度差，你哋會點處理？」她又透露與工人姐姐面試時已講明照顧狗狗是主要工作，「佢仲同我講自己好鍾意狗」，更指工人姐姐這些行為擺明博炒，「又話唔鍾意我屋企有Cam ，仲問返我轉頭 『依家咩年代唔俾人用電話？』，又話我逼佢同隻狗落街，話佢本身都唔想落」，搞到朱智賢要自己帶愛犬落街。

朱智賢要自己帶愛犬落街玩。

不少網民都提議朱智賢向僱傭公司投訴，朱智賢回覆網民表示已向僱傭公司反映，「佢（僱傭公司）要我俾錢請第2個，比個discount我，比左17,000幾蚊就咁就冇咗。」

朱智賢IG圖片

朱智賢IG圖片