高人評論「US 8964」車牌牌主：未見過咁唔守法守規嘅人 仲可以咁厚顏無恥！

2025年08月05日

最近，那位擁有「US 8964」車牌的招先生又搞事，在移民後高調唱衰特區政府。話説他今年6月前將架車運離香港，並説已辦妥轉牌手續；但新牌主後收到運輸署通知，之前的轉戶交易作廢，該車牌已被運輸署收回。

他聲稱後來收到運輸署在信中指，由於相信「US 8964」已永久送離⾹港，⾞輛登記按法例最遲6月中已被取消，有關⾞輛登記號碼亦同時被署長收回，所以其過戶手續亦無效，原本已發出的「留牌紙」亦作廢。但招先生質疑，署方根本無法證實「US 8964」是「永久送離⾹港」，就強行取消其車輛登記，又把過戶等手續作廢，是「無視私有產權」，認為做法荒謬，指最終車牌被收回是意料中事，因「唔想個牌繼續喺條街度出現」云云。

朋友感嘆：「佢唔係第一個， 2019年以來，唔少反中亂港嘅帶頭人物都係咁，許智峯如是，羅冠聰如是，佢哋嘅祖師爺係特朗普」。

高人話，法例講到明唔容許咁樣轉牌，亦都合情合理，你架車都唔喺香港，點樣可以喺香港套個車牌落去，運輸署俾個牌你係喺香港駕駛，咁你架車都唔喺香港，大佬你又講明移民，連人帶車走咗成個幾兩個月，咁樣搵人去做過戶套牌，擺明係當運輸署傻仔。

問題係今屆政府喺新特首帶領底下，強政勵治，點會再容許有呢啲事情發生？！

更好笑嘅係，呢位招生，一如其他潛逃海外嘅反中亂港逃犯一樣，無時無刻唔想擦存在感，自己喺社交媒體上爆響口，仲影埋相出嚟話唔可以再喺香港生活，已經移民英國，仲入櫃運走埋部車，你咁高調，即係想運輸署依法做嘢啫，既然係自己申請嘅，轉頭就唔好扮含冤受屈，香港係法治之區，大部份市民守秩序講道理，招先生的捩橫折曲操作，好難贏到掌聲。

根據道路及交通條例第374E章第20條第四節的權力，如果運輸署署長信納有關汽車已永久送離香港，就算未有在15天內收到相關通知書，亦須取消該車輛的登記。

Ariel

** 博客文章文責自負,不代表本公司立場 **