趙海珠（Alison）接受有線節目訪問，透露陀BB時放BB公仔在家中，訓練愛犬與子女融洽共處，猶如家人一樣。
趙海珠（左）覺得仔女有兩隻狗狗陪伴成長，是一件好幸福的事。
Alison日前接受有線節目《寵物ER》訪問，分享訓練愛犬的趣事。他透露本來只養了柴犬「仔仔」，但「Charcoal」的主人不要牠：「初時見到佢好惡，都有猶豫，但獸醫話好少人肯要三歲咁大嘅狗，可能要人道毀滅，我覺得佢好慘，佢又好跟我老公，所以決定收養佢。」她又憶述兩隻狗狗差點走失的經歷：「有次仔仔衝咗出門，好彩有人執到佢，帶佢去獸醫檢查晶片，送返俾我哋，我真係好多謝嗰個人。另外，Charcoal試過兩次喺樓下公園走失咗，不過佢好醒目，去返大廈管理處等我哋。」
趙海珠（左）對柴犬情有獨鍾。
提到很多人因生BB而棄養寵物，Alison卻選擇訓練他們成為一家人：「陀BB時我買咗個BB公仔放喺屋企，等佢哋習慣下。第一日帶BB返屋企，就畀兩隻狗狗嗅下，教佢哋係三兄弟。」今年誕下囡囡，Alison以同樣的方法訓練愛犬：「我仲記得第一日帶囡囡返去時，Charcoal非常開心，不停搖尾同高聲吠，又喺床邊跳來跳去，好似想望下妹妹咁。」她又教導子女視狗狗為哥哥，一對子女與愛犬猶如家人一樣，相處融洽。