迎接新生命來臨的張繼聰和謝安琪（Kay）家中似乎需要更多空間，張繼聰在社交網站透露要準備房間，期間搵到一套珍藏《男兒當入樽》漫畫，但似乎和老婆引起一點「爭拗」。
張繼聰fb圖片
阿聰在社交網站上載書架相片留言：「為咗迎接新成員嘅來臨，最近忙於準備房間。搵返依套對我成長有奠定性影響嘅<Slam Dunk>珍藏出嚟，好感動。誰知有人同我爭拗左好耐，振振有詞話係佢買嘅....果一刻，我覺得佢好陌生好似一個強盜，我當年駛幾多零用錢買呀大佬！？」
阿聰笑稱：「我阿媽話要讓吓老婆....我話ok，反正我嘅姐係佢嘅....點知佢話送俾人反正我唔睇........Come on ! 佢唔明白，到我地依種年紀，入樽已經唔係用嚟睇，係用嚟供奉....男人嘅青春同熱血係唔可以俾人，Never !! 依次真係天后都無面俾！我兜口兜面細細聲同佢講，套書我Keep硬！威呢！？BTW , 套差唔多卅年嘅〈天空之城〉真係無得頂！不過唔敢打開，怕一打開就灰飛煙滅」。
資料圖片
不過沒多久阿Kay發功，留言「 呢套入樽係我㗎！當年我細本同大本版各一套，擺喺床邊陪我好多年，咪見到入樽就以為係自己嘅，好冇呀」，並配上一臉不爽的emoji。其實邊個買都唔緊要喇，粉絲見到你哋打情罵俏都夠晒開心，留言一個接一個呀！
張繼聰fb圖片
