鄧月平激性感「胸」贏娜姐玉背

由鄭丹瑞（阿旦）自編、自導兼演出的電影《小男人週記3之吾家有喜》舉行首映，一眾女演員周秀娜（娜姐）、鄧月平（Larine）、談善言等均悉心打扮出席。被稱為性感女神的娜姐雖以大露背裙騷玉背，但卻不敵「來勢洶洶」的Larine。Larine以一身白裙出席，Deep V Deep到肚臍再加大露背，大騷「36F巨乳」和五吋「事業線」，側一側身都險些走光。

一眾女演員周秀娜、鄧月平等悉心打扮出席首映禮（東星圖片）

娜姐以大露背裙騷玉背（東星圖片）

鄧月平穿著中開大開白色裙出席首映禮

對於性感打扮搶鏡，Larine自言是配角，身上的裙才是主角，而且是由她自己設計，並表示想報讀時裝設計課程和MBA，創作出自己的時裝品牌。談到於首映禮上經常整理身上的裙子，Larine解釋因為很緊張這部電影，而且後期剪接時對自己配音有點不滿所以比較擔心，但認為無論好與壞，都希望大家多給予評論給她，最好踩多幾腳，這些才令她成長得更加快。

Larine表示裙是由她自己設計

鄧月平展示出「36F巨乳」

不止Deep V，同時大騷玉背（東星圖片）

問到可會接捧娜姐性感女神地位？Larine大讚娜姐是性感於骨子裏，是她心中的性感女神，是她的學習對象，她反而對成為「武打女神」有興趣。

鄧月平大騷5吋「事業線」（東星圖片）

林峯同周秀娜係首度合作MV，林峯仲負傷完成公主抱。

林峯近日推出加盟華納後第四首全新廣東歌曲《無傷大雅》，之前因為疫情關係未能夠親身返港拍攝劇情MV，所以這次ＭＶ特意找來一直與林峯在電影及劇集合作無間、默契十足的周秀娜做女主角，ＭＶ二人飾演在一起很久的情侶，分手後林峯一直默默關心及照顧周秀娜，劇情非常催淚！新歌找來吳林峰作曲，林寶填詞，黃兆銘、徐浩編曲及徐浩監製。

今次算是二人第四度合作，而MV係第一次

林峯說：「好有幸可以請到娜姐嚟做我嘅 ＭＶ女主角，其實我哋之前有合作過電影、電視劇，但就係冇合作過ＭＶ，因為佢都好少拍ＭＶ嘅，所以好有幸、好多謝佢今次嘅參與 ！」今次算是二人第四度合作，問到拍MＶ可有趣事？林峯笑言：「就係發現原來娜姐好輕，佢真係好鬼 fit!」原來 MＶ入面有公主抱娜姐嘅情節，林峯直言娜姐應該是他合作過的女演員裡最輕的一位。笑言：「真係㗎！原本我諗住要紮行馬咁，點知一抱嗰下，嘩！咁輕嘅⋯⋯哈哈！」娜姐亦笑言：「當佢抱起我嘅時候連我都覺得自己好輕，嘩，佢咁輕而易舉嘅哈哈！」原本娜姐好擔心，因為知道拍檔有腳傷在身，擔心自己的體重會令他傷上加傷。林峯立即話 :「呢排我腳傷冇操(體能) 我都覺得你輕，所以你真係好輕！」

林峯繼續CHOK

林峯繼續CHOK

林峯話娜姐超輕

娜姐仙氣滿滿

今次新歌連出名唱得的阿峯都話難度高：「呢首歌真係我做歌手以嚟數一數二難唱㗎！連監製徐浩都話難！」見到阿峯在拍攝現場一直在練習唱歌詞，但MＶ不是不收音的嗎？阿峯直言：「因為我係一個歌詞白痴嚟㗎，我自己啲歌唱十年都記唔到歌詞⋯⋯」娜姐聞言感到驚訝：「點會呀！ 你三頁對白可以即刻背到出黎㗎喎！？」阿峯立即解釋：「對白得！ 但歌詞真係唔得，記歌詞一直都係一件好難嘅事，因為歌詞係一粒字都唔可以錯，但劇本唔係，不過呢首歌反而我聽過兩次已經覺得歌詞好易入腦，旋律又好易上口，所以今次好多謝林寶寫咗咁好嘅詞比我，希望大家鍾意！」

問到兩位２０２４年工作大計，會否分配多一點時間在港 ？二人說：「會呀，因為我地嚟緊電影方面都會有合作，應該好快又會再見同埋電影裡面應該都會有好多對手戲！」

對於香港樂壇這幾年間急速改變及有許多的新名字冒起，有沒有一些名字希望來年可以合作？阿峯亦有留意同公司 (華納) 的新音樂人，「其實無論做演員或者歌手我哋都希望尋求新嘅突破同火花，無論係幕前定幕後，同唔同嘅人合作我覺得都係一個好好嘅嘗試同學習，但首先我係好想同我公司新嘅音樂人合作。」娜姐突然好奇問起林峯可有試過Rap？阿峯說：「曾經在節目裡嘗試過，私下去唱歌有時都會挑戰試吓，自問唔識但都想嘗試，身邊都有Rapper朋友，我哋公司（rap得嘅）都有ＭＣ同Gareth.T (湯令山)，其實仲有好多新人都好希望可以合作！」

問到林峯和古天樂二人一直於螢幕上合作多年，會否考慮合唱？娜姐聞言立即笑說 ：「我好想聽喎！ 哈哈！」阿峯笑說：「其實我問過㗎！哈哈！我提議話搵次不如我哋睇下音樂上有啲咩撞到出嚟啊！因為其實古仔佢都唱得兩咀，佢都好鐘意唱Ｋ㗎！有時我哋自己公司搞慶功呀佢都會唱幾首歌，我都希望睇下同古老闆喺音樂上可以有啲咩火花出到嚟！哈哈！」