鄭秀文（Sammi）與盧凱彤（Ellen）多年前分別飽受情緒病煎熬，現在已走出陰霾，更攜手為「好心情@HK」活動創作活動主題曲《衝過去》，由林夕填詞、蔡德才編曲兼監製，鼓勵情緒病患者要勇敢跨過難關。拍攝MV當日，身在台灣的Ellen專程返港探班，看見Sammi投入得掉下眼淚時，她亦深受感動。
身為「好心情＠HK」計劃宣傳大使的Sammi在MV被重重象徵壓力和枷鎖等的布帶纏繞著，她不斷掙扎，最終成功衝出去。她與Ellen一同接受訪問時說：「首歌錄好咗一段時間，今日拍MV再唱番，好多情緒、情感湧返出嚟。其實流眼淚、哭、呼叫都係好自然發洩情緒嘅表現，剛才係自然流露，現場都有好多工作人員都被感動。」
過往類似歌曲旋律比較抒情，但《衝過去》旋律激昂，Ellen說：「寫歌前我哋為咗互相了解多啲傾咗好耐，我哋傾偈時間比創作時間更長，試過好多唔同嘅曲風先至寫出呢首旋律，希望曾經經歷過情緒波動、唔開心嘅人得到共鳴。」
Sammi大讚蔡德才編曲鬼斧神功：「佢加入大自然雄偉嘅感覺，有衝過高山嘅氣勢！」歌詞是歌曲的靈魂，林夕讓《衝過去》錦上添花，Sammi說：「歌詞之中『衝過去 難道開不開心，需要世上允許』最打動我，我覺得每個人嘅快樂，好應該自己去爭取，每個人都有釋放快樂嘅自由，唔使因為其他人影響自己快樂嘅感覺！」Ellen非常認同，而她最喜歡「接受高低情緒 又漲又退像潮水」歌詞，她說：「我哋每個人都會經歷不同情緒，只要明白好似潮水漲退，會來又會去就唔使恐懼，呢一段歌詞畀咗多好多力量我。」
首次作曲的Sammi透露這是她主動獻身：「今次係我第一次作曲，係我主動要求，我認為每個人身心都有一種毫不畏懼勇敢地衝過去決心，每個人都可以衝出自己的恐懼，衝出自設的局限，喺崎嶇困難勇敢向前。多謝Ellen 呢個好拍檔一齊作曲，仲有林夕嘅詞，我哋都經歷過情緒問題，都係過來人，創作過程中我和Ellen搵到好很多共通點，感受特別深刻，令呢首歌更有力量。」
