蘇永康親自為囝囝剪臍帶: 一世難忘嘅經歷

HotTV

蘇永康親自為囝囝剪臍帶: 一世難忘嘅經歷

2017年03月22日 18:32 最後更新：03月23日 11:15

蘇永康（康仔）太太馮翠珊日前誕下囝囝，他表示是親自為囝囝剪臍帶，又指今次經歷難忘，但不會再有第二次。囝囝名字方面，康仔指爸爸喜愛玩爵士音樂，母親提議叫Jazz So，而陳奕迅（Eason）已叫BB做「蘇爵士」。

康仔今日向傳媒發放B仔的照片，表示囝囝重 6.11 磅，指自己從頭到尾都沒有很激動，而全家最開心的人是母親：「嚴格上講，星期日開始未見過媽咪對眼，因為她每天都是笑到見牙唔見眼。可能是因為我們家第一個孫吧！」他憶述陪老婆入產房待產：「我舉住部機一直拍，又冇咩緊張。BB右腳出先，醫生要拖佢出來，頭個兩分鐘出咗嚟冇咩聲，醫生叫我抱佢，我咪坐係到唱歌比佢聽，同佢按摩，佢可能係肚到聽慣咗我把聲，一聽我把聲，佢就開始面色紅潤，血色開始運行。依家都係喎，佢肚餓喊，一聽我把聲，我過去抱佢，佢就唔喊，食飽就訓，算係一個好乖嘅BB。」

康仔稱是親自為囝囝剪臍帶：「剪個陣我都冇緊張，覺得自己好似拍《妙心仁心》咁，我仲一手拿電話，一手拿交剪，護士仲話，好多爸爸都要剪兩次先剪到，我一刀剪落去就搞掂，不過都係一個一世難忘經歷，唔會再有第二次啦。因為冇諗過生第二個啦，都繼後香燈咗啦，我四十有九啦，本來做多五年就嘆住過人生，半退休也過日子啦，依家佢出咗來，我要延遲退休計劃，起碼做多二十年啦！」

問到BB似誰，康仔笑言好難說：「可能他長大之後，十多年後似我才稱得上靚仔呢？潮流是會變的嘛！哈哈！」他又叫大家自己睇相作評論。問到BB會改甚麼名字，康仔說：「我媽話，你爸爸玩爵士音樂，何解不叫Jazz，所以囝囝就叫Jazz So。偉大的Uncle Eason Chan （陳奕迅）已經叫佢做『蘇爵士』。」他指「蘇爵士」天生命好，好腳頭，收到好多朋友的禮物，又好多贊助商主動聯絡他，連洗奶樽機都有三部，故會用囝囝的名義捐錢去慈善機構。

最後他表示是第一次做爹哋，只希望囝囝生生性性，聽教聽話，健康快樂。

往下看更多文章

眾星悼念一代天后蘇永康細訴梅艷芳臨終前情境

2023年12月31日 11:00 最後更新：12:37

今年12月30日是梅艷芳逝世20周年，除了徒弟草蜢及何韻詩，不少藝人都在社交平台悼念這位一代天后，包括蘇永康、袁詠儀、王丹妮等，蘇永康更撰長文細訴梅艷芳臨終前的情境。

蘇永康貼出與梅姐擁抱的的舊照，表示：「03年12月25號早上我步入病房，『梅姐，我嚟咗啦⋯』那是我最後一次和妳眼神接觸，之後半小時醫護人員就開始幫妳插喉。蘇小姐開始坐旁邊唸心經… Maireaan同我都知道呢一刻終於要來臨。Donny再次提醒我之前師傅吩咐過，在這個時候一定要在妳耳邊講，叫妳唔使擔心，亦都唔使掛念，我們都會好好的，妳放心走吧，再沒有痛苦了！同時一定不能讓妳聽到流眼淚，假如真的流眼淚，眼淚一定不能滴到妳身體⋯⋯ 好快，第一個到塲的是譚校長同志偉哥，見到妳在床上插着喉校長呆站了良久，志偉哥眼淚立刻奪眶而出，我把志偉哥請到一旁，把該說的話都說一次。那幾天我就在病房外把這番話對入去見妳的朋友都說一遍⋯」

蘇永康大讚梅姐好叻，「妳對後世的影響我相信遠遠大於妳自己想像，03年初某一夜妳在跑馬地告訴我妳有癌症，我對妳說：梅姐，請妳好好保重，妳係我哋嘅『精神領袖』⋯其實不只我，我相信妳還是那一代人的『精神領袖」。」蘇永康又坦言梅姐離世後，有頗長一段時間晚上不敢聽她的歌，「因為一定會流眼淚，近年好像可以了，因為我終於習慣了，妳在另一個空間，仍然想多謝妳在我新秀比賽，那一晚送給我的Bowtie，多謝妳帶我入廣東道『Canton』，多謝妳在『水車屋』瞓在地上，同我分析什麼是形象！多謝妳叫我戴眼鏡和教我畫眼眉！還有很多很多不能盡錄⋯⋯」最後，他表示：「我們仍然會好好的生活，勿念」。

曾與梅艷芳合作電影《金枝玉葉2》的袁詠儀就在微博分享一張梅艷芳的舊照，並留下花花emoji以表思念之情；音樂人于逸堯則分享一張1990年頭排睇梅艷芳演唱會的照片，並分享二人合作的的故事，「2003年沙士後，《1:99音樂會》的舞台上舞台後，親眼目睹她的強大與偉大，她比生命更大。許多年後的今天，此時此刻，此情此景，特別懷念她，和她還在的那個年代。」