張瞻錫妹妹額頭 張繼聰: 哥愛妹情重

謝安琪（Kay）上周五誕下囡囡張靖（Karina），今日老公張繼聰（阿聰）與9歲大囝囝張瞻齊齊陪出院，一家四口返屋企。阿聰在社交網站上載一張溫馨相，影住張瞻錫錫妹妹Karina額頭仔，並搞笑留言：「哥～愛妹～情重」。

張繼聰IG圖片

Kay生B當日，張繼聰爆阿仔張瞻向自己「申請」唔返學，陪埋媽咪入院，不過張繼聰一口拒絕「你唔返學都無補於事」。張瞻今日與阿聰接Kay及妹妹出院盡顯大哥哥風範，幫手推BB車。

資料圖片

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！