電影《志明與春嬌》男女主角初次單獨聊天的場景九龍灣偉業街行人天橋，近日成為年青人「打卡」熱點，更有部分人罔顧安危爬上橋頂，坐在橋邊拍攝。電影導演彭浩翔及男主角余文樂均表示，鍾意一個場景都不要做出任何危險的事，呼籲大家不要令自己受傷。
網上圖片
有消防員在facebook指留言「每更返工都最少一轉」：「希望大家能夠幫手share開去，各位時下既年青人真係唔好再喺呢條位於偉業街既行人天橋（網上稱為志明橋）爬上頂或伸出窗台影相，呢種行為真係好危險，而且亦十分浪費資源，因為好多途經既熱心司機、市民驚你地有危險而報警，每次都會出動多輛緊急車輛，包括升降台，兩架搶救車，喉車燈車，救護車救護電單車及警車，最少共8架。因為情況真的很嚴重，每更返工都最少一轉，希望影相可以，但不要再做一啲咁危險既行為，謝謝。」
網上圖片
彭浩翔表示：「希望大家就算鍾意一套電影或者鍾意一個場景都唔好做出任何危險嘅事情，冇嘢緊要得條命，因為打卡而令到自己受傷就唔好啦！麻煩消防員，變成「消防救志明」就唔好啦！」
彭浩翔（資料圖片）
余文樂就指：「我覺得喜歡一部電影有好多方法，如果大家鍾意嗰條橋都冇問題，但我哋拍戲時都係响橋裏面影，所以希望大家唔好企上橋上面。因為真係好危險。如果因為想影相而出事就好唔值得，咁希望大家唔好咁做，注意安全最緊要。」
余文樂（資料圖片）
