梁漢文（Edmond）將於8月開音樂會，今日舉行發佈會時，Edmond在炎熱天氣下仍穿冷衫到場，熱到一頭汗，他以歌名自嘲做了「錯先生」。
問到開騷是否都是穿冷衫，他Edmond豪氣表示：「梗係唔係，係唔著，隔住衫都感受到我身上的一格格肌肉，加上夏天嘛！況且紅館次次都會露肌，今次唔會因為轉場就唔露，露械添吖。（用樹葉遮？）用花好啲，我呼籲觀眾帶花入場，到時遮邊度都可以，哈哈。」
