娛圈事
許廷鏗（Alfred）與前師妹菊梓喬一同出席商場的音樂派對，及與觀眾大玩整漢堡包和變髮等遊戲。轉投新公司的Alfred笑指重遇前師妹，還被喚作大師兄，自覺似老了很多；菊梓喬得知後即補鑊說：「大師兄只係個稱呼，許廷鏗青春無敵、後生靚仔、唱歌又好聽。」
菊梓喬之後補鑊讚後生靚仔，唱歌又好聽。
菊梓喬最近與王浩信合唱劇集《溏心風暴3》片尾曲 ，她稱有幸合作很開心，可惜錄歌當日，王浩信因拍外景戲聲音欠佳，故二人要分開錄，是以將來有機會公開獻唱，將會是二人首次同台合唱；她坦言幻想到這個場面就難免緊張，還自爆已想好要跟對方保持距離，要站在前方位置，因王浩信身型甚高，太過靠近會顯得她太細粒。
菊梓喬、許廷鏗
許廷鏗、菊梓喬
菊梓喬、許廷鏗
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
