早前田蕊妮於社交平台一則感言，惹起退休疑雲。無綫50集長劇《誇世代》舉行煞科宴，阿田現身並首度解畫，她解釋只是放大假而已。
《誇世代》主要演員歐陽震華、陳豪、張繼聰、森美、姜大衛、龔嘉欣、李佳芯、吳業坤等均有出席。在場藝人都打趣說今次煞科宴是阿田的榮休宴，阿田就笑說：「要講聲唔好意思先，估唔到有呢個誤會！」阿田提到當日這劇煞科時突然感性起來，回想拍攝完《迷》後再接《超時空男臣》再到這劇，期間不停塑造及投入角色。她笑說：「煞科嗰刻，終於唔使再睇劇本投入角色，可以做自己想做嘅嘢。」阿田透露直到收到下一個劇本才開工，估計最少放假到年尾，期間仍會出席各大小宣傳。
問到老公杜文澤可有同樣誤會？阿田笑說：「唔會，只係有人打畀佢，以為我真係退休。」阿田謂在這悠長假期期間會跟家人去旅行，因為很久沒有照顧父親。談到她近年的確忙過不停，老公可曾勸喻她好好休息一下？她說：「呢幾年工作的確係一個接一個，屋企有時對我嚟講的確係調劑，杜生都鼓勵我有好角色不妨去做。不過拍完《超時空男臣》，緊接50集《誇世代》，杜生都有問我會唔會太辛苦。」
馬海倫、關禮傑、許紹雄、姜大衛
