太極明年紅館開騷　盼唱三十場見海外歌迷

娛圈事

太極明年紅館開騷　盼唱三十場見海外歌迷

2017年08月17日 19:29 最後更新：19:29

太極樂隊及KellyJackie（KJ）今日出席歌唱比賽發佈會，太極透露其中一集是參賽者獻唱太極金曲，並與他們Jam歌。太極寄語參賽者除了要咀嚼歌詞含意外，最緊要台風夠Rock。他們又表示明年4月會在紅館開騷，更笑指希望開2、30場。

太極笑言：「今次會提早宣傳，讓海外歌迷預早計劃假期回港睇騷。」至於Ricky表示與舊愛戴夢夢再見亦是朋友，經常在內地演唱會中見面，但不清楚女方是否有新歡。此外，KJ對於早前在《流行經典50年》中再唱《他約我去迪士尼》被網民洗板留言感驚訝，多謝大家仍喜歡這歌，更當此是最好的生日禮物。雖然KJ直言好友吳若希忙湊女，未有相約她慶生，但亦戥吳若希瘦身成功開心，要學對方努力減肥。

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：04月25日 12:01

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」