交友平台識「挑剔中女」擇偶要求多多 港男呻：冇自知之明

不少單身男女都會透過交友App交友，希望可以成功尋得另一半，但如果標準太高要求太多，隨時嚇怕其他異性。近日就有一網民於討論區表示用交友App配對了一位27歲港女，對方於簡介欄中列舉出多項擇偶條件，更與樓主的對話中表明希望另一半支付所有拍拖洗費。樓主既無奈又氣憤，認為對方已接近30歲，快達中女之齡還要求多多，沒有自知之明。網民意見各異，有人罵港女「高要求過反工」，有人則覺得「明買明賣」並無不可。

港男於討論區發文指透過交友App遇到挑剔港女。

該港男於連登討論區以「究竟呢啲女個腦係諗乜」為題發文，怒轟交友APP認識的一名女子「就快3張個腦仲係裝X咁」。事源樓主透過交友App遇到一名芳齡27的港女，對方要求伴侶「（星座）最好蟹蠍、痴身、要合眼緣、啱傾、夾到sync到！搵搞笑多野講幽默、不談政治、走不良嗜好」。

雖然港女要求多，但樓主仍然本著一試無妨的心態展開對話，豈料對方一開口便說拒絕AA制，期望將來男朋友付責全部拍拖開支「我prefer另一半比出街拍拖（睇戲食飯etc）嘅支出，活動嘅洗費」，港女又指自己不會要求每次都去高級餐廳，不過著重儀式感的她，也希望男友會重視特別節日「當然我唔係食貴嘢嗰d人，食正常餐廳la，大使大節或者慶祝嗰d先會想特別啲」。

港女一開始便開門見山稱希望男方負責所有拍拖洗費。

此帖一出引起網民熱議，原來有兩位網民亦曾經與同一港女配對但未能發展下去「我本身唔介意AA/俾晒，但同佢chat過，拎完相之後心諗佢啲自信真係多到漏出嚟」、「我同佢chat過，拎過相後覺得唔值我比哂，所以冇再聯繫」。

Getty示意圖

有連登仔則戲言「高要求過返工」、「又要啱眼緣又要搞笑多野講幽密，仲使上網識朋友」、「奉勸各位男士唔好做爛市」、「其實重點都係睇樣」、「好多女接近30歲仲覺得自己有本錢，有得揀，其實如果你有得揀就唔使玩交友app啦」、「又話男女平等」。

不少單身男女都會透過交友App結識另一半，但如果標準太高要求太多，隨時嚇怕其他異性。示意圖

另外，很多網民認為拍拖是兩個人的事，不應只有一方付出「兩個係係埋一齊supposed係要平起平坐 咁點解會有人一埋黎連friend都未做 就講明要對方付出多d 自己唔打算付出」、「我係想知點解2023年仲會有男人俾晒洗費呢種觀念」、「真係情侶根本唔會計住邊個請邊個，佢咁樣要求係好核突，難聽啲講就係靠女人身份攞著數 」。

Getty示意圖

有人亦撐港女只是坦自接講出要求「明買明賣，無咩問題」、「佢唔想AA姐，佢都有講明呀，冇晒大家時間，又冇呃你」、「有供就有求」、「又咁講，一早講哂要求願者上鈎，好過一齊咗先現型丫」、「人地講明要咩有咩問題」。

帖文來源：連登討論區

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」