李婉華懶理與王晶罵戰 19歲女罕現身似姊妹多過母女

李婉華直指王晶應該要積口德。

移居加拿大多年的李婉華最近與19歲大女Natalie一同返港，早前因批評TVB劇集《一舞傾城》劇情教壞細路，李婉華與劇集監製王晶掀起罵戰，李婉華表示講的時候並不知道監製是誰，就算知道也會講，自己亦只是以觀眾和家長的角度去評價該劇！

重提早前因批評TVB劇集《一舞傾城》劇情教壞細路，李婉華與劇集監製王晶掀起罵戰的事。

兩母女

盡得媽咪遺傳。

李婉華6月12日在尖沙咀與傳媒茶聚時說：「我自己有女，睇完好唔舒服，因為講緊出賣肉體嘅嘢，點解情節咁寫？做家長嘅心態係希望大家道德上嘅嘢都謹守一啲原則，當然每個人嘅價值觀都唔一樣，但我有堅持。（會唔會後悔講咗之後掀起罵戰？）唔會，後悔嗰個應該唔係我，因為對事唔對人，有個編劇係林子博朋友，佢都有打電話俾林子博話多謝我嘅意見，對於編審肯接受意見同謙虛覺得好感動，我只係分享感受，估唔到會惹嚟批評。」

李婉華在尖沙咀與傳媒茶聚。

保養得好好！

李婉華續說：「我覺得佢（王晶）有少少借呢件事去發酵，覺得佢最唔應該係佢好似想分化社會，好似要發動啲人攻擊，我就好唔開心，因為社會要和諧，愛香港嘅人希望香港好，唔好搞分化。」又批王晶將事件與政治扯上關係及小題大做：「係劇情問題，完全唔關政治事，香港要和諧，人與人之間唔好咁樣攻擊，網絡世界好多人都鍾意攻擊，就算MIRROR事件我都好痛心，因為有啲人係特別去攻擊，我純粹支持一班年輕人嘅努力，佢哋嘅成績我係好欣賞。」

李婉華稱只係分享感受，估唔到會惹嚟批評。

李婉華直指同是家長的王晶應該要積口德，因為在網絡下大家也會看到你的為人：「我都希望佢好，希望佢成功受歡迎，劇我就唔評論，因為我冇睇，我只係評論編審相當之好，如果大台有多啲呢啲編審，會接受不同意見，無論對公司、歡眾嚟講係福氣。」

李婉華直指同是家長的王晶應該要積口德，因為在網絡下大家也會看到你的為人。

對於王晶批評她戲屎，更指兩人合作時，試過將戲份cut走一半，李婉華淡然地說：「佢咁講啦，我對自己係演藝學生感到驕傲，演技派未必係佢喜歡嗰一種類型，佢早期都講過演藝學院唔適合拍電影，Anyway都係以前嘅事，佢講咩都唔緊要，佢始終都係年紀大，老人家唔記得喇，我唔會嬲，我只係覺得成件事好好笑。其實咩年紀都冇得食老本，要繼續進步、創新同謙虛，因為時代會變，一代新人勝舊人，呢個係事實，冇嘢係永恆。」

李婉華指今次只是在家長的角度，希望給大家一個正確的價值觀。

李婉華又謂自己年紀也不小，很多事也需要學習及接受新的事物，但最重要的也是謙虛，每日也高高在上的話，根本沒有人會教你新的事情，她又指今次只是在家長的角度，希望給大家一個正確的價值觀：「以前我哋拍戲，有啲鏡頭甚至係着衫嘅尺度，我哋都冇得控制，甚至係後期做啲咩我哋都控制唔到，我哋做演員唔容易，所以能夠保持住個價值觀係好重要，我都好驚訝佢有個咁嘅反應，其實觀眾嘅說話使唔使有咁大反應？好奇怪，我覺得佢好似想搵件事嚟make noise。（你會唔會有後悔拍過誘惑題材嘅作品？）作品變咗三級女星梗係後悔，但當時電影有工開就係開心，但到你埋到位就另一件事，當時都試過叫你性感啲，但傾嗰陣時唔係咁，嗰時唔會有人出聲，邊個夠膽出聲？甚至而家都唔夠膽出聲，我而家出聲喇。當然而家已經好多導演都唔係咁樣，有好多都好清清楚楚，但有啲就係咁囉。」問到李婉華是否有戲癮？她表示只現在還要照顧19歲的女兒和兩個13歲的兒子，但如果有個色真的很適合，也會嘗試。

李婉華又謂自己年紀也不小，很多事也需要學習及接受新的事物，但最重要的也是謙虛。

派心心好吸引。

至於今次返港，除了處理私事外，亦會為自己的YouTube channel拍攝節目介紹香港美食：「盡量爭取時間將懷緬嘅嘢呈現，希望幫手唱好香港，亦會拍攝地道美食畀美加同香港觀眾睇。」李婉華亦表示很珍惜今次可與女兒一同返港的機會，因為兩人分別住在溫哥華和多倫多，至於一向喜愛跳舞和唱歌的Natalie被問到是否想入娛樂圈，剛升大學三年級的她就表示要讀完書後再想。

李婉華稱今次返港，除了處理私事外，亦會為自己的YouTube channel拍攝節目介紹香港美食。

視媽咪係偶像。

好錫媽咪！

李婉華透露今次返港會相約一班老友如黃秋生、王貽興、陳嘉容及楊天命等見面敘舊，身為「神徒」的婉華也笑言好想追星，因自己很喜歡姜濤和Anson Lo，但卻不好意思打擾花姐。問到Natalie是否也喜歡MIRROR？她就一臉茫然表示不知道，並指自己的偶像是媽媽，令李婉華冧爆。

19歲大女Natalie。

好有媽媽嘅影子。

似姊妹多過似母女！

真係要教大家保養之道呀！

64歲陳秀珠近日相約圈中好友吃飯會面，席間有很久沒有露面、已移居加拿大的李婉華，以及早前自爆婚變的鄭浩南。開心飯局後大家紛紛在社交平台上分享合照，從照片中可見，各人都保養得宜，尤其「TVB御用阿媽」陳秀珠，完全不覺已年過60。至於同樣近年鮮有露面的李婉華今年也已經55歲，但卻沒半點老態，同場的大隻型男鄭浩男則全程笑容滿面，相信已逐漸走出婚變陰霾。

老友聚頭，陳秀珠跟鄭浩南先來個合照。

兩大美魔女同框，誰也不搶誰的風頭。

大家都是老戲骨，不少人都期待他們會有新合作。

近日參與ViuTV新劇《法與情》演出的陳秀珠風采依然，身穿藍身間條衫的她顯得更年青，難怪有網民留言：「珠姐真係保養得好好」、「珠姐才是真正的皇后」。另外，從加拿大返港的李婉華也一點不輸蝕，留有一把長長鬈髮，女人味十足。網民也留言大讚：「婉華真係好靚」、「秀珠姐，婉華都係頂級靚女」。

陳秀珠的古裝扮相十分嬌美。

1979年參選香港小姐的陳秀珠，當年是TVB的當家花旦。

早已移居加拿大的李婉華，近年鮮有露面。

早已移居加拿大的李婉華，近年鮮有露面。

一身牛仔衫打扮的鄭浩南則展露招牌式笑容，早前他自爆跟他結婚20年的馬來西亞藉太太鮑愛玲（Elyn）於2021年時離他而去，還帶走一對子女，而且鄭浩南在馬來西亞的所有物業及汽車均以太太名字登記，可謂人財兩失。如今見鄭浩南現身飯局，且展現燦爛笑容，相信已走出婚變之痛。

年青時的鄭浩南一直給人大隻型男的感覺。

鄭浩南一家四口樂也融融，可惜已成過去。