2個餐張單「水蛇春咁長」食客茶記叫外賣要求多多 網民：一定加料

堂食一定唔敢咁叫！

食茶記叫「多汁」、「少飯」或「少甜少冰」是平常事，一般廚房都會照要求出餐，但如果要求太多，食物分分鐘被「加料」。近日一網民於社交平台上載一張「水蛇春咁長」的外賣單，帳單長並非因為點的食物多，而是客人的要求多「走味精、少咸、走蔥、飯餸分開裝、外汁、黃糖兩包」等等，多達47字的備註要求令樓主不禁揶揄「不如你自己煮啦！你想點煮就點煮」。此帖一出即引起熱議，不少網民直呼「西客」、「傑出西客系列」、「西客之道」；但亦有認為可能另有隱情。

有網民於社交平台分享「水蛇春咁長」單據，顯示食客點了兩個外賣套餐，但備註竟有47個字之多。FB圖片

該網民於Facebook群組「香港茶餐廳及美食關組」以「不如你自己煮啦！你想點煮就點煮」為題發帖兼上載一張外賣帳單，帳單顯示食客經外賣平台點了2個69元的套餐，包括B餐麻婆豆腐配白飯、中式靚湯、熱鴛鴦，備註寫上「走味精、少咸、走蔥、飯食餸分開裝、外汁、黃糖兩包」，及A餐香煎魚柳配意粉、中式靚湯、熱香濃咖啡，備註寫上「多牛肝菌汁分開裝，多意粉軟身些，另跟沙津醬用盒裝，咖啡奶分開裝」，食客雖然只點了兩個套餐，但備註竟有47個字之多，要求相當刁轉。

不少網民認為幫襯茶記都是希望「快靚正」，食客要求多多「不如自己返屋企煮啦」。Getty圖片

此帖已經吸引了四百多個留言，不少網民批評食客要求多多「140 蚊咁多要求，好難服侍」、「咁複雜不如叫佢返屋企煮啦」、「嗌兩個餐都咁多要求，我就會打返俾佢講幾十蚊一個餐做唔到佢咁多要求，你使唔使取消咗張單」、「個廚房應該采佢都傻，扮睇唔到」、「廚房一定唔理，正常出」、「賺盡哂，都係$138，可以甘多要求，使吾使比埋封利是佢？」；有人亦估計廚房見到柯打一定加料「呢張單，廚房佬一定幫你私人加料」、「口水，痰，洗布水，是但揀一樣」、「廚房佬見到『走味精』一定多味精畀佢」。

有網民估計廚房見到柯打，一定會不理要求正常出餐，甚至加料。Getty圖片

不過，有網民認為可能箇中另有原因「可能係俾老人家食，豆腐同魚都係D唔使點咬的食物」、「或者人哋有病，例如關節炎，自己煮唔到，要戒口; 又或者年紀大，或者煮到悶晒; 其實有人幫趁就係好事，做生意唔通想打開門冇生意？ 幫到人就幫啦！」、「應該是老人家或者病人點的。我嫲嫲現在基本上都是這種要求，不過她還會要求少油」。

有網民則認為外賣可能是給病人或老人家吃。Getty圖片

帖文來源：Facebook群組「香港茶餐廳及美食關組」

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」