寫千字文透露與張致恒和好？雯雯暗示懷第4胎：再一次負起呢個責任

又生？！

張致恒（Steven）2019年與粉絲區燕雯（雯雯）奉子成婚，不過二人婚後是非不斷，雖然經常傳婚變，但二人依然生完又生，雯雯亦繼續在社交平台放負兼公開數臭老公。7月10日深夜，雯雯在IG寫發千字文，透露與老公「坐低傾過問題」，更暗示自己懷第4胎。

Steven與雯雯於2019年奉子成婚。

當時大仔已經出世。

雯雯經常在社交平台公開數臭老公。

雯雯先表示，現時的IG帳號會停用，這會是後一篇帖文，「呢一年的確係我人生一個轉捩點，好多嘢都改變晒，曾經我以為我一個人係好簡單，相信同堅持就能夠有好嘅結果，但係來並唔係咁樣，一次又一次嘅被背叛同傷害，確實令到我思想同性格都改變晒，好似一次又一次，加重仇恨咁，我第一次懷孕之後，確實我係任性冇諗後果，就成就咗每一次懷孕，但係一個新生命係上天比你嘅禮物同一個安排，所以我冇後悔過，反而令到我更加有責任感同信念去照顧好佢哋。」

區燕雯IG截圖

雯雯直指自己不是小丑，並不想公開自己的私事讓他人笑和討論，但她沒有太多朋友和傾訴對象，所以只能在社交平台發泄，「再加上我心底裏的確係有一種唔好嘅心態，我會覺得你可以對住其他嘅女性去數我，咁點解我唔可以公開我嘅情緒同不滿。老實講當你對住其他女性去數我，呢種傷害會唔會比起我公開鬧你更加大，明明自己做錯在先，但係最後換來係因為我做得唔夠好，所以你要有呢個選擇，我真係想唔透......」

二人三年抱三。

不時分享與囝囝的合照。

接着，雯雯透露與Steven終於坐低傾過問題：「我都唔知大家嘅關係能唔能夠修補，但係呢一刻我相信大家都需要時間去行落去，講到尾其實根本唔關共唔共患難事，如果係咁嘅，我諗一開始根本唔係咁樣行。去到最近，大仔開始越嚟越大，每當我大喊情緒失控嘅時候，佢會好擔心，同埋表現出好唔開心，我就同自己講要醒，再加上自己身體同你（嚟）緊要面對嘅手術的確好驚，好怕個風險，上天要帶我走，所以同自己講好向前行，好好珍惜同家人嘅時間，總好過喺度發癲，日日喺度鬧都根本改變唔到好多嘢，亦都冇幫助。」

區燕雯IG截圖

區燕雯IG截圖

最後，雯雯暗示懷第4胎，「接下來...既然上天再一次俾咁樣嘅安排我，我就應該好好計劃，靠自己去照顧好上天比嘅每一份禮物，無謂再去浪費氣力，再一次負起呢個責任，同時間只係喺度發洩同埋鬧，我相信唔放棄，堅持一定有出路，瞓醒一覺，又會係一個好嘅開始。」

區燕雯IG截圖

雯雯還表示不介意苦主向《東張西望》公開一切。

39歲的張致恒（Steven）與區燕雯（雯雯）婚後一直是話題人物，又「熱愛」在社交平台公開家事，不時鬧離婚，又經常呻財困，因而被網民封為「離婚財困界KOL」。雯雯在母親節當天除了再在IG Story鬧爆老公「廢」，還透露即將要行「最後一步」，才可重新生活，想不到一波未平一波又起，一名患癌網民近日就在她的社交平台公開追數。

Steven與雯雯於2019年奉子成婚。

一家六口。

雯雯於本月初公開過去一周家中發生連環不幸事件。

母親節當天又發文數臭老公張致恒。

透露要「行到最後一步」。

又指「其實都係一個行業」。

該名網民在雯雯的社交平台留言：「雯雯，我係Cat，你想點呀？畀咗幾個月時間你，爭我嗰萬六蚊一蚊都收唔到，包多春魚都收唔到，之前免費送咁多嘢畀你哋，你哋咁對我？！你好快啲還錢，最多畀你分兩期，分兩個月每次還$8000，所有Payme過數記錄同埋Whatsapp對話我都有keep，唔好逼我公開晒。我真係諗住搵《東張西望》，標題係：寧願呃癌症病人錢，都唔願意出去打工嘅前偶像夫妻。唔好逼我！」並表示預料會被對方刪留言兼封鎖。

苦主留言

不過，雯雯沒有刪除留言，更親自回覆：「首先，我好多謝你當初主動出現幫我哋。我從來冇諗過呃你，只係我而家未有鬆動可以還到畀你，就算其他人我同樣都係未還，當初你主動企出嚟幫我哋嘅時候，我都有同你溝通我冇咁快有能力可以還到錢，你亦話你明白。至於你兩包多春魚，我冇咗你地址，你block咗我，我根本聯絡唔到你。」更耍無賴的表示：「就算你公開一切，我都尊重你，當中亦可以證明到我有講清楚我冇咁（快）還到畀你，所以不存在呃你錢。最後希望你unblock我，畀返你地址我寄畀你。亦祝你健健康康。」

雯雯回覆。

事件引起網民熱議，不少人都譅為兩公婆「個低咁花」都仍有人會借錢給他們是自作自受，「真係會有人俾錢呢對老千夫婦」、「全香港都知呢兩公婆有借冇還，仲要懶好心借俾佢哋『渡過難關』，收唔返根本基本操作」、「個時都知佢2公婆搞唔掂借錢唔還啲X嘢出晒名，咁都可以比錢佢做生意，有今日都係自己做成」、「兩個個朵臭晒，仲幫佢哋真係冇得救，人哋周圍借錢開心使錢，結果仲有人施捨」、「大種乞兒呃錢仲呃埋人哋同情心，勸各位有心香港人，唔好再理呢2公婆啦」。

不少網民都認為被兩公婆呃錢是自作自受。