自己都係女人，點解要重男輕女
重男輕女的傳統思想雖然早已不合時宜，但仍有不少父母會依性別來決定對子女疼錫程度。近日一港女在討論區發文，控訴自己的母親重男輕女。她抱怨雖然兄長沒有給家用，亦沒有為家庭付出，但母親對他事事照顧及寵愛；相反母親對自己卻非常苛刻，任何事她也要當「下把」，她很想離家出走，不過又不捨家中年邁的狗狗，導致她患上抑鬱症，甚至產生極端的念頭。
有港女於討論區發問，控訴母親重男輕女。非當事人（Getty圖片）
該港女於香港討論區以「當你憎呢個屋企到抑鬱，但未有能力搬走，可以點？」為題發文，表示有一兄一姐，姐姐已嫁搬走，父親則去世多年，她與兄長及母親同住。樓主抱怨母親「超級重男輕女」，以致對母親產生厭惡的感覺「搞到我開始憎我阿媽，我直頭唔想見到佢，見到佢都唔想同佢講野，我好唔鍾意呢種感覺，但我控制唔到自己有呢種感覺」。
港女抱怨兄長沒有為家庭付出，但母親對他事事照顧及寵愛；相反母親對自己卻非常苛刻，任何事她也要當「下把」。（非當事人 Getty圖片）
樓主覺得自己長期受不公平對待，無人關心及體諒自己「我直頭想自己係一個死剩種，咁我就唔駛長期受不公平對待，冇人會理我感受，冇人會理我得唔得閒，屋企所有野都係留返俾我做。我既生活全部都要睇佢哋想點就點，我講出黎，阿媽就話我斤斤計較，執著，咁即係呢世我都要做下擺」。她又例出母親種種重男輕女的行為：
港女因受長期不平等待，而患上抑鬱症，更有輕生念頭。（非當事人 Getty圖片）
樓主長期受壓逼，很想離家出走，但又不捨家中年邁的狗狗「其實我有隻狗已經15歲，佢睇唔到聽唔到，我唔想佢呢個年紀先適應新環境，暫時我係唔會搬」。樓主被母親的欺壓導致抑鬱，甚至產生了輕生的念頭「我有時會諗到，可能我唔係佢生，我會想跳樓，我而家唯一既生存動力只係我屋企的年老小狗」。
港女雖然很想離家出走，但又不捨家中年邁的狗狗「最重要係因為要照顧年老既小狗，唔搬得，不過我已經諗左，等到小狗百年歸老，就算劏房我都會搬」。（非當事人 Getty圖片）
不少網民看到帖子後都紛紛留言安慰，並為樓主打氣「你要開朗啲盡量諗多啲開心嘅嘢，唔好搞到形成一種病，抑鬱或者情緒病就唔好啦」、「好好照顧狗狗餘生日子，同埋趁呢段時間努力賺錢，儲定錢等將來搬出去住」、「放開心情，你遲早都會嫁人，積極做嘢，儲多啲錢傍身，辦法總比困難多，加油」、「多做運動，多啲出街行吓，感受吓出面氣氛」、「樓主唔好灰心，你係逆境都生存到」、「人生說到底是自己，唔好因為別人對自己的差就貿然輕生，太唔值得。要活得比佢哋好，先至係最好的方法」。
帖文來源：香港討論區
