將軍澳屋苑保安阻救護車入閘稱「咁近行入去啦」 引眾怒

救護員辛苦了！

救護人員執勤時需爭分奪秒，如救護車到達出事現場被阻礙，後果可能不堪設想！近日，有街坊於將軍澳某屋苑群組上載一段影片，表示有救護車到該屋苑出勤，救護員要求保安開閘進入屋苑，但遭拒絕。有居民路過見狀則上前與保安理論，豈料其中女保安態度惡劣兼爆粗。影片一出引起居民群起罵之「直情離哂譜」、「人命關天，有冇搞錯」、「阻礙救援係犯法，拉得」。

有街坊於將軍澳某屋苑群組上載一段影片，表示有救護車到該屋苑出勤，救護員要求保安開閘進入屋苑，但遭拒絕。（「家繫富寧Home@FuNing」FB圖片）

有居民看不過眼於是上前要求保安開閘，讓救護車駛入。（「家繫富寧Home@FuNing」FB圖片）

該街坊於Facebook群組「家繫富寧Home@FuNing」發文兼上載短片，她表示晚上時分路過近將軍澳醫院閘口，目睹一輛救護車停泊在附近，有救護員要求保安開閘讓救護車駛入，保安(片中男人)隨即向控制室通報，但控制室要求救護員兜到坑口村迴旋處進入屋苑。救護員表示迴旋處塞車，擔心會延誤救人時間，但控制室保安（片中女人）竟然要求救護員徒步行入去「4座咁近，行入去啦。」

豈料保安堅持不開閘，居民上前理論，反被女保安粗口問候。（「家繫富寧Home@FuNing」FB圖片）

男居民非常生氣指「住X咁耐都未見過咁X惡嘅實Q！」。 （「家繫富寧Home@FuNing」FB圖片）

當樓主與另一男居民見狀，即一同要求保安開閘，與此同時救護員已抬著擔架步行進入第4座。控制室保安在此時現身，但卻不理他們的要求，更爆粗指罵，男居民看不過眼「住X咁耐都未見過咁X惡嘅實Q！」。樓主質疑「如果消防閘連救護車都唔用得，唔知幾時先可以用呢？」

女保安更表示「你去port我囉！」。（「家繫富寧Home@FuNing」FB圖片）

影片上載後，居民都大表憤怒。（「家繫富寧Home@FuNing」FB圖片）

此帖一出即引起居民熱議，不少人批評保安失職延誤救治「救人係應該啦啦聲開門，話晒呢邊又近醫院，遲一分鐘分分鐘有生命危險」、「如果呢位病人出左事，睇翻閉路電視呢個惡女護衛就奶野」、「相信救護員改路走唔係遷就呢個惡女護衛，係趕時間救人，無時間同呢個女人理論」、「救人如救火 ，火警會唔會叫消防車走返出迴旋處先，真係唔識執生」、「黃金時間救命喎，救遲左有咩不測邊個負責，無論係咩原因都唔應該叫救護車去另入口」、「咩都唔使講，去到邊都係救人行先！」。

居民都批評女保安態度惡劣，而且阻礙求援。（「家繫富寧Home@FuNing」FB圖片）

帖文來源：Facebook群組「家繫富寧Home@FuNing」

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」