港姐亞軍王怡然接受《東張西望》訪問回應父母呃錢傳聞時,一度情緒失控掩面爆喊,要中止訪問。
《2023香港小姐競選》亞軍兼最上鏡小姐王怡然(Lynn),近日就傳爆其父母在內地十多個城市經營的教育中心倒閉後走佬,拖欠工資及騙取過千家長合共過千萬學費,苦主維權勝訴仍追不到賠償。一眾出爐港姐於8月29日出席領獎活動,王怡然指父母的私人事不方便透露,指爆料有真有假,更一度落崩。
其後,王怡然接受《東張西望》訪問再回應父母的傳聞,她直言見到網民的留言心情都有少少影響,所以已經封鎖社交平台所有通知,並自言現在要努力工作。問到有沒有和父母聯絡,她哽咽的表示有,「佢哋都叫我唔好咁擔心,佢哋會諗辦法,因為佢哋都會覺得有啲啲內疚,因為影響到我。但我唔想佢哋咁擔心,因為我已經咁大個,然後我希望我爸爸媽媽唔好太擔心。」
之後,王怡然情緒失控,忍不住掩面爆喊,要一度中止訪問,由工作人員帶回後台冷靚。平復情緒後,王怡然再度接受訪問,面對主持人的關心,她表示:「我OK,自己21歲,都要獨立啲。」