「AQUALAND」2023年9月23日舉行第一場音樂會「NewBomb」，由樂隊REVERY feat. KOLOR打頭陣！
香港海洋公園水上樂園致力推廣本土文化，為孕育香港樂壇成長並帶旺本地晚間娛樂活動，聯乘耀榮文化於水上樂園門口廣場設置全新音樂會場地「AQUALAND」，為歌手提供不一樣的表演場地，近距離與樂迷狂歡。
全新音樂會場地「AQUALAND」誕生。
為隆重其事於2023年9月23日舉行第一場音樂會「NewBomb」，由樂隊REVERY feat. KOLOR打頭陣，勢必Rock爆全場! 全新「AQUALAND」可容納約 1000名觀眾，為了令樂迷更狂熱，當晚音樂會全場企位，門票劃一港幣$480元。觀眾更可加$200購買$680水上樂園+音樂會套票，盡玩水上樂園五大特色主題區域，黃昏飽覽南區日落，晚上欣賞音樂會，玩足整日wild day out！
由樂隊REVERY feat. KOLOR打頭陣！
Kolor主音Sammy表示期待於新場地演出，盼新晉歌手有更多演出機會:「香港歌手做騷其實係好難嘅一件事，因為有啲場地實在太大，好難吸引投資者開騷，所以呢個場地對新晉歌手嚟講非常吸引，累積Live經驗之餘，仲可以近距離接觸樂迷，慢慢去更大嘅場地開騷，咁先有進步嘅目標。」
REVERY
Sammy每次演出都非常投入，笑言呢次音樂會「唔留力」:「今次係戶外騷大家應 該會超投入，如果大家夠High都想同大家玩『插水』，但其實今次主角係 Revery，我地呢啲『老牌樂隊』都要支持Band友嘅！」而Revery主音Louis亦認同香港表演場地不足，「AQUALAND」誕生有助香港樂壇發展：「好多本來樂隊、歌手都默默耕耘，但係呢啲中小型場地真係唔多，呢次戶外嘅演出場地真係好好 Feel，多謝主辦單位比機會我地同樂迷狂歡，呢次屬於我哋嘅騷都等咗好耐，一定會不停練習唔會令大家失望。」
KOLOR
更多精彩活動將於「AQUALAND」陸續登場，敬請密切留意耀榮文化及水上樂園進一步公布。
《Mastercard 呈獻:NewBomb – REVERY feat. KOLOR》
日期： 2023年9月23日
時間： 晚上7:30PM
地點： AQUALAND@海洋公園水上樂園（位於售票處側近海邊空間）
