張曦雯唔信文華遭炸死 《破毒強人》陳豪阿蕭雨中打足11小時

昨晚《破毒強人》洋蔥大放送，今晚大結局最備受關注的，絕對是文華與阿天的雨中終極生死戰，仲要鬥做空中飛人！

由羅永賢（Marco）監製、黃偉強編審的《破毒強人》，，今晚八點半翡翠台播出最後一集。昨晚（7日）一集絕對是洋蔥大放送，行徑日趨瘋狂的文華（陳豪飾）在Jackie（張曦雯飾）車上裝了炸彈，葉浩天（蕭正楠飾）及Jackie爸爸鄧Sir（張國強飾）帶隊前往營救，現場還有拆彈專家，飾演拆彈專家的文竣瑋更遭網民大讚靚仔。

飾演拆彈專員嘅演員叫文竣瑋，唔少網民讚佢靚仔。

為了與Jackie同生共死，葉Sir主動登上「炸彈車」，不過Jackie明顯不想連累阿天。昨晚該幕十分洋蔥，為減低Jackie緊張感，阿天不斷氹其開心，更許下愛的承諾：「天光之後想做啲咩？」、「過咗今晚最重要係每一朝可以同你一齊食早餐」，Jackie則甜笑回應：「好多年冇見過你笑，笑多次畀我睇。」另邊廂炸彈時間一直倒數，令二人的甜蜜對話更覺淒酸。為救Jackie，阿天致電文華求「拆彈答案」，文華則耍完一輪太極後著其剪斷藍色線。

對人歡笑、背人垂淚就係咁。

對人歡笑、背人垂淚就係咁。

擾攘一輪後，Jackie使計令阿天落了車獨自面對生死，並決定不聽文華勸告剪斷紅色線，結果當場被炸死。對於文華放完炸彈但又講真話，網民大感難以置信：「真係估佢唔到，因為主角通常都係有驚無險！」又力指文華攻心計：「俾文華玩死！佢話藍色，信抑或唔信？」並感嘆Jackie碓實兩難。而昨晚張曦雯整場戲表現均相當亮麗，除了含淚對著著緊的爸爸鄧Sir強顏歡笑場口令人動容，當她下定決心搏一舖剪紅線時，更害怕得眼淚鼻涕，完全感受到角色的絕望及驚恐，成功吸獲正評：「原來madam梨花帶雨個樣好靚」、「張曦雯眼濕濕，呢部份做得好唔錯」；至於蕭正楠，則被指上車陪Madam一刻又型又Man下。其實該場爆破戲並不簡單，為拍出汽車被炸至空中翻騰兩周半，劇組出動大型吊車協助拍攝，而且一take過不容有失。

阿蕭尋晚獲讚又型又Man。

張曦雯呢場戲做得勁有層次，先係強裝鎮定淡情，但談談吓都係忍唔住驚到喊，

但好快又要收拾番情緒做決定，情緒來回轉換自然。

文華原來冇呃阿天，但要信文華，又點會係容易嘅事？

張曦雯演繹出強烈嘅絕望同驚恐感。

呢幕爆破戲好大工程。

尋晚呢場戲，亦係張曦雯嘅煞科戲。

難忘同事窩心熱奶茶

至於今晚大結局，最備受關注的絕對是文華與阿天的雨中終極生死戰！該場戲長達約三分半鐘的正邪大戰，不但拍得甚有戲味，兩位男主角為求逼真更出盡全力。官方花絮片記錄了正邪大戰重頭戲拍攝花絮，陳豪與蕭正楠埋位前有講有笑，不過一正式試戲二人已極速角色「上身」；雖然試戲是以慢動作模式進行，但兩位均相當認真，出盡全力一度打至嘭嘭聲，又齊齊化身空中飛人凌空被拋落地。阿蕭受訪時透露結局打戲由晚上7點打至翌日早上六點，雖然拍攝是六月天氣和暖，但由於被水車噴足成晚，阿蕭坦言凌晨後開始見凍：「我記得嗰晚我哋打到忘形時，有同事知我哋凍走去買咗杯好暖嘅奶茶，我覺得杯嘢好溫暖。」

埋位前輕輕鬆鬆。

即使試位，兩位主角都係出盡全力。

睇番花絮片，真係打到嘭嘭聲架。

鬥做空中飛人嘅兩人、都好好身手吓。

阿蕭打到對鞋都入晒水。

文華打到Hang晒機。

阿蕭臨時要求加動作戲突顯憤怒感

阿蕭坦言為配合劇中角色「極致憤怒」的狀態，有臨場要求加對打動作：「要打就打到盡，唔好咁錫身，所以一嚟嗰個飛踢好靚，阿Mo反應做得好，我自己又盡力去踢，所以出嚟效果好睇。（咁投入有冇受傷？）返到屋企係有損少少，但唔嚴重。今次拍動作戲最難忘喺成個打鬥都係喺水中進行，我覺得係男人的浪漫。」　

今晚就可以親眼目擊佢哋兩位點樣打到瞓地。

《神耆小子》於5月6日首播！

由王偉仁監製、林麗媚擔任編審的TVB懸疑輕鬆小品《神耆小子》，由5月6日起逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

Kent哥呢個錢大海角色唔單止有霸氣，仲好霸道。

Kent哥呢個錢大海角色唔單止有霸氣，仲好霸道。

但其實呢位老人家，仲有搞笑可愛嘅一面。

但其實呢位老人家，仲有搞笑可愛嘅一面。

Archie喺劇入面既精靈又乖巧。

Archie喺劇入面既精靈又乖巧。

以新人嚟講，演繹好自然，值得期待。

《神耆小子》由兩屆金像影帝得主鄭則士（Kent哥）夥拍劇集界新丁冼靖峰（Archie）攜手演出，故事講述白手興家的零食集團「勁威威」CEO錢大海（鄭則士飾），由於硬淨成性，無論在商場或屋企均是「有佢講冇人講」；面對大海的高壓手法，兒子繼來（曹永廉飾）、女兒有方（傅嘉莉飾），及情人知己洪玫瑰（樊亦敏飾）表面言聽計從，實則各有各陽奉陰違，大海對三人亦存有極大疑心，經常以遺囑作為威脅三人籌碼…一天大海上班途中突遭綁架，綁匪聲稱是其家人指示，自此「查找綁架叛徒」風波一觸即發，偶爾路過綁架現場的趙一鳴（冼靖峰飾）在「冇得揀」的情況下成了大海私人偵探，並遭威逼收留大海；豈料回到家竟發現父親子勇（蕭正楠飾）與大海有陳年血海深仇；主角們錯綜複雜的關係、配以出乎意料的劇情發展，及充斥抵死鬥氣金句的場口，輕鬆惹笑之餘不失懸疑。

Archie同Kent哥勁多對手戲。

Archie同Kent哥勁多對手戲。

Archie同Kent哥勁多對手戲。

大海上班途中遭突然綁架。

大海上班途中遭突然綁架。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

1974年已開始為無綫拍攝劇集的Kent哥，演出過無數經典影視作品，當中最為人津津樂道的角色絕對是肥貓，當年Kent哥亦是因《肥貓正傳》與《神耆小子》監製王偉仁（Simon）結緣。為了凸顯Kent哥錢大海一角的霸道，Simon專誠為其設計了「老虎狗」Image，並大讚認識了近三十年的Kent哥易話為，亦是整套劇集的靈魂人物，Simon說：「只要Kent哥喺度，所有演員同台前幕後都會寧舍開心同埋專注。Kent哥有一樣嘢真係幾十年都咁專業，就係佢永遠唔會遲到、仲例必比通告時間早半小時到做準備，好值得欣賞。」

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Kent哥呢個「人形動物公仔」扮相好Cutie。

另一亮點是演戲演足50年的Kent哥，是次主要對手竟是劇壇新丁Archie，雖然二人演齡差距頗大，但演出卻一拍即合，在連場與Kent哥的互拋場口，Archie不但「戲勢」頂得住，就連涉及勁多IT專有名詞的對白亦應付自如，值得期待，Archie受訪時笑言全靠Kent哥貼身指點，並細數Kent 哥3大暖心行徑，首先是教講對白加揣摩角色，然後是近乎24小時貼身指導及慰問，第三點則是樂於與後輩分享人生經驗：「由Day 1去到最尾嗰日，Kent哥都係教緊我嘢，佢知我演戲經驗好少，佢唔單止教我講對白，仲教我點分析角色同揣摩角色對於故仔嘅功能。同Kent哥拍完每場戲，喺休息時間佢都會講解番場戲點解要咁做；每日拍完一齊食飯，佢又會講番我聽佢嘅相關經驗、同我點樣可以去更好咁裝備自己。」

曹永廉今次個角色到底忠定奸呢？

曹永廉今次個角色到底忠定奸呢？

陳榮峻喺劇入面，係Kent哥嘅老友兼忠心近身下屬。

蕭正楠個角色好正氣憨直，絕對係入屋之選。

Kent哥喺劇入面會忽然變「老虎狗」，好cute cute。

「佢連Off cam之後返到屋企，都會再Text我，教我邊場邊場可以注意啲乜，臨尾仲一定加句：『希望你拍攝順利啦』。Kent哥又會同我傾偈時教我好多人生道理，用佢嘅人生經驗教我點去看待自己嘅事業。拍完套劇我就去咗拍《亞洲超星團》，Kent哥差唔多每兩、三日就同我講加油，問我咩狀況、有冇咩困難？呢啲前輩邊度搵？」與鄭則士份外投緣的Archie，坦言對方與自己已過身的爺爺很相像：「都係佻皮得嚟又有威嚴，所以對住Kent哥，我係愈嚟愈唔怕佢，一開始都驚佢架。」Archie另外還感激樊亦敏（Amy）的提點：「我平時會睇多啲IT嘅嘢，呢個係Amy姐教我嘅，到我睇劇本時我就知個term講緊咩，就可以好有自信咁講到出嚟，咁角色嘅說服性會強好多。」除了Archie，Kent哥與蕭正楠亦有大量「廝殺」場口，在官方預告片，二人不但經常口角，其中一幕蕭正楠更會喪扯Kent哥底衫大玩對質互數，期待值爆燈。